المعلومات المغلوطه ف الدايت 

 

كتبت /هدي الالفي

اخصاءيه تغذيه علاجيه

 

لازم تاكل على مدار اليوم وجبات كتير صغيرة ، أوتحط سناكس بين الوجبات الأساسية عشان الحرق يفضل شغّال. ..

 

اللي فوق دا معلومة غلط ..

 

اتعملت دراسة قارنت بين مجموعة بتاكل 6 وجبات صغيرة في اليوم ، ومجموعة تانية بتاكل نفس كمية الأكل بالظبط ولكن على 3 وجبات فقط..

 

المجموعتين خسوا بنفس القدر مفيش إختلاف ، بل إن المجموعة اللي اكلت عدد وجبات اقل كانوا بيحسوا بالشبع اكتر مش بيجوعوا كل شوية زي المجموعة الاولى..

 

فاللي بيحدد الحرق بتاعك كمية الاكل عموما مش عدد الوجبات ..

 

بل إن إرتفاع معدل الانسيولين كل شوية مع كل وجبة بتاكلها بيساعد في تخزين الدهون مش في حرقها ، ف انت محجتاج تحافظ على نسب الانسيولين ثابتة اطول مدة ممكنة على مدار اليوم

 

الانقطاع عن الاكل لفترات بين الحين والآخر بيخلي الخلايا يبدأ يحصل لها autophagy العملية دي بتبقى زي تنظيف للجسم وبتخلصه من السموم ، وبتعلّي هرمون النمو growth hormone اللي بيساعدك ف التكوين العضلي ، وبيثبت مستويات الانسيولين ف مستوى منخفض على مدار اليوم ، ودا كله بيساعدك تخس..

 

ولذلك الصيام سواء الاسلامي اوالصيام المتقطع فوايدهم كبيرة جدًا ،

 

نقول كمان ؟!

كترة عدد الوجبات بيتناسب طرديا مع خطورة الاصابة بسرطان القولون زي ما بعض الدراسات اثبتت ..

 

المهم بعد دا كله ماتاخدش سناك ، جرب تبطل سناكس

خلي بالك ……صحتك تهمنا