مش هسمحلك
مش هسمح حد يكسر نفسي
ولا هسمح يطول يأسي
ولا هعتبره كان موجود
و ياما الدنيا بتنسي
مش هسمح انك تجرحني
تيجي عليه وتكسرني
مش هسمح تضيع حريتي
تشوه صورتي ودمرني
هسيبه يروح بعيد عني
ده فكري انا فيه مسهرني
يغيب ارجع واقول هيعود
يعود الاقيه بيكسرني
حبيبي خلاص انا بايع
ومش هفضل معاك ضايع
ولا هقبل اكون موعود
بعهد عاهدته كله مواجع
هسيبك والحنين جواك بيداري
وعاشقك ليلي ونهاري
لكن شايفك طريق مسدود
مبدل جنتي بناري
هسيبك اصلي بشتاقلك
وشايف ذلي بيروقلك
مفيش لسؤالي أي ردود
ولا سكوتك هيشفعلك
مش هسمح حد يكسر نفسي
ولا هسمح يطول يأسي
ولا هعتبره كان موجود
و ياما الدنيا بتنسي
خالد المنصوري/مصر
20/2/2020
