صديق خيالى

إيمان العادلى
كلنا تعاملنا مع أطفال قبل كدة مظبوط ؟
حد في طفل كلمه قبل كدة عن حاجات انت مش شايفها.
– على مر السنين ، وفي كل مكان في العالم تقريبًا ، معروف إن الأطفال من سن سنتين لحد 5 سنين تقريبًا، بيصنعوا ما يعرف بــ” صديق خيالي ” ، أو أحيانًا بيوصفوا أماكن و كائنات مش موجودة ..
الأهل بيتعاملوا مع الظاهرة دي على انها شئ صحي، دليل على إن الطفل بيتمتع بخيال واسع، أو انه نشيط ، في أهالي بتنمي الموضوع ده بقراءة القصص أو الحكايات للطفل ، وأهالي تانية بتتجاهلها ، لكن عمومًا الموضوع بينتهي لما الطفل يبلغ 5 أو 6 سنين ..

طيب، الجميل بقى إن 90% من الحاجات اللي الأطفال بتشوفها، حقيقية ..

أمثلة بسيطة :
– في 1970 في لندن ، حكت سيدة عن إن طفلها ذوالعامين بدأ يرفض فجأة النوم في حجرته، في البداية كانت فاكرة ده نوع من النشاط الزائد، لحد ما لاحظت إن الطفل اكثر من مرة يشاور على الجدار المواجه لفراشه و هو يبكي ، اللي استخلصته من الكلام معاه كان انه خايف من فتاة تزحف عالجدار كل ليلة ..

– الموضوع تكرر في 1982 في طوكيو ، لما طفلة عمرها 3 سنوات هربت من المنزل ، لخوفها من السيدة المشنوقة في الحمام ..

– 1887 بالولايات المتحدة ، بلغت سيدة إن طفلها ذو الأربع أعوام بيفضل لفترات طويلة قد تمتد ساعة أو ساعتين وبيراقب حاجات غير مرئية على الجدار ، لما زارها استشاري صحة نفسية للأطفال ، الطفل حكا له عن رجل ذو ربطة عنق بيضاء يراه بصفة مستمرة في غرفة المعيشة ، كما قال الطفل :
” الرجل حزين منذ أن مات ، لا يستطيع الخروج . ”

– 1992 ، الهانوفيل – الإسكندرية ، طفلة في الخامسة حاولت تحرق المنزل ، لإخافة ” الرجل الأسود ” كما قالت الطفلة ..

دي مش الأمثلة الوحيدة ، الموضوع بيتكرر يوميًا و تقريبًا في كل بيت فيه أطفال ، ليه بقى ؟
التفسير الروحي :
– الانسان مكون من ( جسد – نفس – روح ) ، النفس هي الوصلة بين جسد الانسان و روحه ، خلينا نتخيل النفس كإنها حبل ، دي اللي بتسمح بالتعلم ، التجارب ، التصرفات .. الخ .
في الطفل من بداية الميلاد لحد 5 سنوات تقريبًا ، الحبل بيكون أصغر ما يمكن ، أو بالأصح بيكون أضعف ما يمكن ، فالعقل بيكون محرر ، دون تعريفات و قيود إجتماعية أو اعتقادات ..
ده بيسمح للطفل بالتواصل مع ما لا يمكن للناضج رؤيته .

التفسير العلمي
في مجال الطيف الكهرومغناطيسي ، المنطقة المرئية اللي العين بتشوفها بتقع بين ( 400nm – 700 nm ) ، المنطقة أقل منها الأشعة #تحت_الحمراء ، و الأعلى منها الأشعة #فوق_البنفسجة ، دي العين البشرية متقدرش تشوفها ، دي طبعًا بيحصل أو موجود فيها حاجات احنا مبنشوفهاش ..
الطفل المولود لحد قرب الـ4 سنوات عينه بتشوف جزء زيادة ( 380 nm ) ، يعني بيشوف جزء من اللي موجود في منطقة الأشعة تحت الحمراء.

الهدف من الموضوع ده ايه ؟!
مش كل حاجة الطفل بيقولها من إختراعه أو خياله ، الأطفال مبتكدبش دائمًا ، فتعامل بمنطق إن احيانًا ، فعلًا بيكون شايف اللي انت مش شايفه