نصائح مطبخية …..فكرة : أسماء فكري السعيد علي

فكرة : أسماء فكري السعيد علي

ساعات وإحنا بالمطبخ بيقابلنا بعض الصعوبات والمواقف اللي بنعجز أمامها

عن التصرف أو يكون عندنا طعام مر عليه وقت ونضطر لإلقاؤه في القمامة لأني لا

أعرف كيفية تدويره وإعاده إستخدامه في وصفات أخري

لذلك أنا قررت إني أعرض لكم شوية بدائل كده على الماشى لعل يكون فيها الإفادة :

1– الجبنه اللى نشفت فى الثلاجه أضربيها فى الخلاط مع معلقة قشطه هاتبقى جبنه

كريمى ممكن تستخدميها في وصفات كتير حلو زي التشيزكيك وحادق كحشوة لكل

المعجنات .

2– قشر البرتقال نشفيه وأطحنيه وأستعمليه فى كيكة البرتقال بيكون

كنكهة وطعم أقوي بكتير من العصير الباودر أيا كان نوعه أو المياه الغازية

اللي بطعم البرتقال .
مش بس تستخدميه في الكيك ده ممكن

تستخدميه كتابل في المشاوي أو الأرز البخاري وغيرها من الوصفات .

3– بواقى الكيك اللى نشف عندك مترمهوش أفرميه وأعملى منه ترايفل

بالشكولاته أو ممكن تعملي منه كيك جيلي بتقطيعه وجيلي مقطع جواه فواكه

متنوعة علي وشه وعلي الثلاجة علطول .. أو ممكن تعملي منه حلوي كرات جوز الهند

الجميلة .. وممكن كمان تقطعيه وتستخدميه في حلوي الكاستر السريعة

أو حلوي الزبادي بالفواكه المجففة والعسل .

4– بديل البهارات حمصى شوية كزبره ناشفه مع كمون حصى وقرفه واطحنيهم

جيدا واستخدميهم نكهتهم قوية والطعم أعلي .. وممكن تحمصي كسبرة حب

وفلفل حب وقرفه خشب وفصين ثلاثة جبهان مع فص مستكة وثلاث حبات

قرنفل وبعدين نطحنهم وهيبقوا جاهزين لإستخدامهم في كل الوصفات .

5– بديل الكريمه الحامضه نص علبة زبادى وضيفى عليها نص علبة قشطه

وهتدينا نفس النتيجه .
أو تستخدمي اللبن الرائب الفلاحي كبديل

الكريمة الحامضة .

6– بديل الفانيليا فى الكيك ضعى معلقه صغيره خل او معلقه صغيره قرفه أو نص

ملعقة قهوة سريعة الذوبان بتقضى على الريحه وتعطيها رائحه جميله .

7– بديل الاندومى سوى الشعيريه على النار وبعد السوى ضعى لها مكعب مرقة

دجاج وفلفل اسود ناعم وكارى .

8– بديل تقطيع الخضروات الورقيه بالسكينه استخدمى المقص أسهل واسرع

.. وممكن كمان تستخدمي مخرطة الملوخية في فرمها ناعم .

9– بديل قلى السمبوسك ادهني وجهها بالقليل من الزيت ورصيها على صنيه

مدهونه ودخليها الفرن ومن وقت التاني قلبيها علي الوجهين

.