بدًَارىَ من الأيام
وااااه منها دي الأيام…..
قاسية كلها أوهام…..
طول عمري باخطف الأحلام فيها
وماشي انا ع الحبل ليها…
ويوماتي توقعني…..
تدوس عليا توجعني….
ولا ضحكت عنية م القلب مرة
ف لياليها…
……
طول عمري….
طول عمري بخاف منها وعليها
بعافر أوي واقول هاغلِب
حبالها طويييلة.. لاقيتني هاتعَب
لكني مابطلت يوم امشي
وقلت اوصل ولو هاحبي
لاقَتني قوي …..
. شدت حبالها وخنقتني…
ووقفت من غُلبي ليها …مستغرَب
صبرت كتير عليها حتي اني…
نسيت اغضب…..
وطول العمر منها بتعَجِب
مفيش غيري عني يشغلها
يهدي الظلم مرة.. وكفِتي يعدِلها
……
…..
يوماتي أسرق الضحكة من قلب الوجع….
وبخفي الدمعة عن غيري
وأخاف انا غيري يتوجِع….
…….
……
دي الأسوة مُرة ياجدع
لو تدوقها مرة… قلبك يتوجع
……
……
وطول عمري بتخَبَىَ من الأيام
ويوماتي سابح مع الأحلام
ماسك في إيدي قنديل الأمل
وداخل وريدي مخبي الألم
وماشي فيها وحدية
لاقلب حنين ينور ليلي
ولا ضحكة صافية تمسح دمعة عينية…
وماشي فيها وحدية…
متَبِت في كل أمل ليا
……..
……
وطول عمري بازرع غيطان حنية
جناين ورد ..واقول هافرح
ونفسي ع السعادة اجري
ألاقي الشوك جوة الورد… مِتخبي
وهي دي حكايتي
عايش بيها طول عمري
قلب أبيض في دنيا سودة
وناس بالكره موعودة
لايوم نالت مرادها
طول عمرها بالفُراق موعودة#
نهي عبد الخالق قالت هبه السويدي تحديث: تم استقبال في مستشفى أهل مصر، ٤ حالات… اقرأ المزيد
ردت جليلة المغربية على تصريحات بسمه بوسيل على طليقها المطرب تامر حسني بأنها تريد الإرتباط… اقرأ المزيد
علاء حمدي أدان البرلمان العربي الغارات الجوية التي شنها كيان الاحتلال الغاشم، والتي استهدفت محيط… اقرأ المزيد
علاء رسلان في خطوة استثنائية تؤكد مكانته كوجهة رائدة لفنون الطهي الفرنسية في المنطقة، أعلن… اقرأ المزيد
بقلم د : امال إبراهيم استشاري العلاقات الأسرية إزاي نحمي أولادنا من التحرش الجنـ… اقرأ المزيد
الرياض – زبيدة حمادنة أعلنت "دي سكويرز"، الرائدة في تقديم حلول الولاء والمكافآت الحديثة في… اقرأ المزيد