بقلم سهير عسكر
تعبت من دق الهون
والوقفة فى المطبخ وغسل الصحون
والجرى ورا العيال طول اليوم
وغسل وكوى الهدوم
والفطار والصحيان بدرى من النوم
بكرة زى امبارح
واللى جاى زى اللى رايح
تعب وهموم
ومشاكل بالكوم
مصاريف مدرسة
حاجة مش كويسة
أسعار مجنونة
غبية وملعونة
دى أكيد كانت غلطة
والهموم عاملة خلطة
على كل لون
من أول اليوم
تصحى على مصيبة
ولو اشتكيت تبقي عيبة
صبرنى على اللى صابنى
طاب أنا إيه اللى جابنى
ياريت فضلت فى بيت أبويا
واسمعلى كلمتين من اخويا
ولا أشيل فى هموم
وانقرف كل يوم
أدعى على مين وللا مين
وكأنى واقعة ف كمين
انا دايماً اللى مخالفة
وأتعاقب ع الهايفة
حسبى الله
واللى بيعمل عمل يلقاه
