قصيدة .. مالكيش غيري بواسطة admins شارك قصيدة مالكيش غيري حبيبتى ما لكيش بعد الله غيري مهما عجبك من الناس غيري أنا أختارتك وإنتي وافقتي ماينفعشي تسيبيني بعد ما أخدتي خيري غيري بيخدعك عشان إنتي مش ملكه إنما أنا بحبك بكل ضميري رضيت بكل ما فيكي خير وشر ليه بعد دا كله عاوزه تسقيني المر ارجعي لعقلك ونعيش سوا العمر دي لحظات السعادة سريعة وبتمر وإن كان فيا عيب قوليلي أصلحه مش من أول مشكلة تهجرني يا طيري ومن نظرة تسبني وتجري على غيري عمر ما حد هيستحملك عشان سبتي عشك ماهو اللي بيحافظ ع الأول بيحافظ ع التاني واللي فرط ف الأول سهل يبيع التاني واسمعي كلامي وارجعي ليا ما تبقيش انتي والدنيا عليا دي الحياة مش ناقصة اذية افتكري ولو لحظة حلوة ليا ما تنكريش العشرة وتشوفها بنظارة سودا أكيد كان فيها ساعة هنية وكل ركن في البيت شاهد عليكي وعليا وأنا لسا شاري وشوفي صورتك ف عينيا وان كان النهاردة صعب بكره الاأيام الحلوة جاية الصبر حلو واللي اتكسر يتصلح بس اوعي تبدي عليا غيري عشان لو بيعتيني بافترى لا هتتني معايا ولا حتى مع غيري الحسين عبد العزيز سليم فنان تشكيلي وشاعر شارك FacebookTwitterWhatsAppالبريد الإلكترونيLinkedinTelegramطباعة
التعليقات مغلقة.