قوات الجمال
قوات الجمال
بقلم :د.اشرف محمد القط
يا جيش الكعب العالي
يا قوات الجمال
ولتحيا العسكرية
لو كانت احتلال
لما بشوف طوابيرك
ماشية مارش اعتدال
متروحش عنيا عنها
لا يمين ولا شمال
علشان تمام جنودك
هو تمام الدلال
مطرح ما تميل كتايبك
وياها القلب مال
خلاص راحت علينا
وراح زمن الرجال
فـ بيوتنا قعدونا
لا شغل ولا انشغال
نطبخ ونغسل احنا
ونذاكر للعيال
والنص الحلو هو
اللي هيكمل نضال
واللي هيحمي بلدنا
هو دم الغزال
اكتشاف المزيد من بوابة العاصمة
اشترك للحصول على أحدث التدوينات المرسلة إلى بريدك الإلكتروني.
