استمتع بالطعم ده والتتبيله القويه بتضيع الطعم المميز ده ،علشان كده انا دايما بقول الماكولات البحريه
(تتبيله خفيفه =طعم تقيل) يعني بصراحه انا مش بستخدم تتبيله السمك دي الجاهزه علي بعضها لانها بتغيرلي طعم الماكولات البحريه .
٣ـ ممنوع نهائيا المبالغه في تنظيف الماكولات البحريه وشطفها مده طويله وكمان متتنقعش خالص في ميه
ولا خل ولا ملح كل ده بياخد من قيمتها الغذائيه وبيعدملي الطعم تماماانت بس نظفيها كويس اوي تحت المايه
وسيبيها تتصفي في مصفاه وتنزل مايتها وبعدها ع التتبيله .
٤ـوقت التتبيل لا يتعدي ساعه ويفضل يكون اقل وخاصتا مع وجود ملح في التتبيله والملح بيخلي السمكه لحمها يجلد كده ويكون ناشف مش مليان عصاره لان الملح بيسحب السوايل من اي حاجه وهو فعلا بيسحب السوايل اللي في الماكولات البحريه وبيخليها متفله .
٥ـالجمبري والسبيط والكاليماري كلهم ماكولات حساسه واتعاملي معاها بحذر اثناء السوا ،يعني كل ما طولتي وقت السوا فقدوا طعمهم ونشفوا منك ويشدوا في الاكل زي الكاوتش
٦ـ لو تبلتي المأكولات البحرية ووضعتيها في الثلاجه لابد من أخراجها قبل التسويه بفتره لا تقل عن ربع ساعه علشان لو سوتيها وهي بارده بتشد وتكون مطاطه
٧-بهرى الدقيق بنفس التوابل التى فى التتبيله مع ملعقة نشا وقلبل من الملح سيعطى السمك طعم جميل
٨-قبل ما تقلى السمك وبعد ما تغطيه بالدقيق نزليه فى ميه وطلعيه بسرعه وعلى طاسه القلى دا بيخليه مقرمش وطعمه تحفه
وبألف هنا وشفا
