وصفات العاصمة
إيمان العادلى
فتة
مقادير
كوب رز ابيض مصرى
٥ مكعبات زبدة
٤ كوب مرقة لحمه
كوب عصير طماطم
٢ معلقه صلصة
ملعقة توم مفروم
ربع كوب خل
عيش شامى مقطع صغير و متحمص
الطريقه
الارز،فحله هنحط الزبدة و عليها الرز يتشوح تشويحه بسيطه و ننزل عليه بكوب و ربع مرقه لحمه
الصلصه بقى
فحلة صغيره هنحط ٣ مكعبات زبده و نحمر فيهم التومه و لما تبقى دهبى نحط عليها الخل،و بعدين الصلصه و عصير الطماطم و كوب و نص مرقه لحمه و نسيبها تتسبك
العيش بقى
انا بعمله شامى بيبقى طرى ،بحط عليه كوب مرقه و اغطى يتشربه خالص و ساعة الغرف بقى بحط فالطبق العيش و عليهم كبشة صلصة و بعدين الرز و عليهم كبشة صلصه تانى و عملت معاها لحمه بارده و بالهنا
