وباء بقلم سهير عسكر
ليه بتدق كتير على بابى
عامل قال ايه من أحبابى
وانت جواك الحقد ماليك
حاقد على كل الكون حواليك
مستنى تشوف واحد فرحان
عاوزة مهموم ويبات زعلان
أشكالك ياابنى عاوزة علاج
الكل يقاطعك من غير إحراج
علشان تفهم وتبص لنفسك
يمكن تعرف وتغير نفسك
عاوزين نخلص من كل وباء
ماشي بينشر وسطينا الداء
بيلون وشه كتير ألوان
عامل مهموم بالناس حيران
وهو جواه ندل وجبان
همه مصلحته دا مش إنسان
