للدكتور/ عصام الغنام
ه………………………..ه
ردي عليه وقولي ياوردة
م اللي اختار ليكي الفستان ده
لونهولك جملهولك
فصلهولك تحفة ونادرة
ردت قالت صنع الخالق
هوه الله
ه………………
وانت يابلبل ياللي ف عشك
مين ببعتلك أكلك فوق
وانت مغمض لسه ف فرشك
ويا الأم بلهفة وشوق
رد وقاللي ربي الرازق
هوه الله
ه………………..
وانت ياطير يامهاجر لينا
مين خلاك تعرف أراضينا
وسط جبال وبحور وليالي
من غير بوصلة وراية ومينا
رد وقاللي ربي الهادي
هوه الله
ه……………..
وانت يانحلة وسط جبال
مين أوحي لك تبني بيوت
تجري وتجري بالأميال
وسط الزهر تلمي القوت
ردت قالت ربي الصانع
هوه الله
ه…………..
وانت ياقطة شفتك وانت
شايله ولادك وسط النار
مين أعطاك الرحمة وكنت
رمز لغيرك في الإصرار
ردت قالت الرحمن
هوه الله.
ه…………………..
د.عصام زكي الغنام.
يجب عليك تسجيل الدخول لكتابة تعليق.