اول حاجة هنقلب الدقيق مع السمنة على النار بشرط ان الدقيق لونه ميبقاش غامق اشقر بس وبعد كده ننزل عليهم بعسل النحل ونقلبهم كلهم مع بعض ونسيبهم يغلو على النار
وكل ماسبناه اكتر كل ماتقل اكتر يعنى انتى حسب مابتحبى قوامه
قبل مانطفى نضيف المكسرات المجروشة نقلبهم مع بعض ونطفى النارونسيبها تبرد عشان نعرف نشكلها
الطريقه
هنجيب بولا كبيرة نحط فيها الدقيق ونحط عليه المكونات الجافة(البيكنج بودر وريحة الكحك والسكر)ونقلبهم ونحط السمسم ونقلبهم كويس ونعمل حفرة فى النص وننزل على الدقيق بالسمنة السايحة بس خلى بالكم السمنة لازم تكون دافيه مش مغلية
عشان لو سخنة البيكنج بودر هيفسد ومش هينشط العجينة
ونقلبها كويس اوى بايدينا وبعد كده ننزل عليهم باللبن الدافى
بالتدريج نعجن كويس نبدأ نكور العجينة كور فى الحجم اللى احنا عايزينه ونجهز العجمية ونكورها كور صغيرة وناخد كورة
عجينة ونعمل فيها حفرة فى النص نحط فيها كورة عجمية من اللى احنا عملناهم ونقفل عليها الاطراف كويس اوى عشان العجمية متطلعش منها اثناء الخبز نحضر الاشكال اللى هنشكل بيها الكحك او القوالب المخصوصه للكحك (المناقيش) ونبدأ نرص الكحك فى الصوانى
وطبعا لازم الصوانى تكون مدهونة لو مش تيفال اخبزيه على حرارة 180 فى الفرن لغاية ماستوى والوش بقى لونه دهبى لما برد رشيته بالسكر بودرة
ثانيا_البسكويت
1_بسكويت البرتقال
****************
المكونات
1 كيلو دقيق
– 400 جرام سكر بودرة
– 1/2 كيلو ذبدة
-1 م صغيرة فانيليا
-كوب عصير برتقال
-5 بيضات
-1 م كبيرة بيكنج بودر
للنكهه 1 م كبيرة بشر برتقال
الطريقة
نخفق الزبدة مع السكر لمدة 10 دقائق حتي تصبح كريمة هشه
وبيضاء اللون ثم يضاف البيض واحدة واحدة مع الخفق بالمضرب
او العجان مع اضافة الفانيلياو عصير البرتقال بشر البرتقال ثم نضيف الدقيق ونضع مع البكنج بودر وذرة ملح وننخلهم علي خليط الزبدة ونجمع العجينة باليد
ثم نشكلها بكيس حلواني اوماكينة بسكويت او البيتى
فور كما يمكن استخدام القمع اليدوي حسب الرغبةيرص في صاج منخفض الجوانب مع ترك مسافة بينهم ويخبز في فرن مسبق التسخين على حرارة 180 تقريبا حتى يحمر خفيفا ويصبح ذهبى
يخرج من الفرن ويترك كما هو في الصاج حتى يبرد ثم يوضع في علب لحفظه .
ونبدأ نشكله ثم نشكلها بكيس حلواني اوماكينة بسكويت او البيتىفور حسب الرغبة
يرص في صاج او هنحطه فى صوانى مدهونة منخفض الجوانب مع ترك مسافة بينهم ويخبز في فرن مسبق التسخين على حرارة 180 تقريبا حتى يحمر خفيفا ويصبح ذهبى يخرج من الفرن ويترك كما هو في الصاج حتى يبرد ثم يوضع في علب لحفظه .
3_بسكوت اللانكشير
****************
المقادير
2.5 كوب طحين.
2كوب نشا
ملعقه صغيره بكنج باودر
1.5كوب سكر بودره.
2بيضه
1.5كوب زبدة لينة بحرارة الغرفة
وفانيلا.
.للحشوه.
.مربى فراوله اومشمش
..الطريقه.
.نضرب الزبدة كويس ثمنضرب معها السكر الناعم ويضربو بالمضرب الكهربائى حتى تصبح هشه ثم نضيف البيض وتخفقثم الفانيلا ثم نضيف الطحين والنشا والبكنج باودر وتكون العجينه طريه ثم تدخل التلاجه ربع ساعه ثم تخرج ناخد حته من العجين اكبر من البندقة ونكورها كرات صغيرةونحطها في الصواني وتخبز على 180 لمده 12ق بيكون استوى من غير ما يتغير لونه ثم نتركه تبرد خالص ونضع كل حبتين مع بعض بالمربى ونضغط علشان يطلع المربى من الجناب ثم نغطيه بالمكسرات او بجوز الهنداو ممكن نغطي كل حبة لوحدها بصوص الشيكولاته
4-بسكوت السابليه
**************
المكونات.
3.5كوبايه دقيق ..
1.5 كوب زبده
3|4كوب سكر ناعم
بيضه
2 معلقه بيكنج بودر
معلقه فانيليا
الطريقه
نخفق الزبدة مع السكر ثم البيضه والفانليا ثم نضيف نضيف باقى المكونات و نعجن كل المكونات نحطها في كيس بلاستيك و نخليها ترتاح ساعة في الثلاجة
نفرد العجينه علي رخامه مرشوشه دقيق فيها ناس بتحب تعمل سابليه بالكاكاو زى البتيفور هتاخدوا جزء من العجينة او نصها وهتضيفولها ملعقة صغيرة كاكاو للتلوين لو تحبواثم ونقطع العجين باي شكل نحبه قلوب مثلثات نجوم اى شكل بالقطاعه سمك نص سم و نعمل نصف الكمية مثقوبة في الوسط ونحطها في الفرن من ٧ ال ١٠ دقايق وبعدين نسيبه ينشف بره الفرن والحشوة بالمربى او نوتيلا او صوص شيكولاته ومكسرات مجروشه
5_ بسكويت الفانيليا
****************
المكونات
2كوب دقيق
كوب سمنة
بيضه
كيس فانليا
3|4 كوب سكر بودرة
نص معلقة صغيرة بيكنج بودر
الطريقه
ضيفى السكر على الذبدة وأخفقى كويس لحد ما الخليط يبقى هش وخفيف وبعدين ضيفى البيضه والفانليا على الدقيق وضيفى الدقيق والبكنج بودر بعد كده على الخليط السابق وأعجنى كويس لحد ما تتماسك العجينة وسبيها ربع ساعه ترتاح
أفردى العجينة وشكليهابقمع او ماكينة البسكوت زى ما أنتى عايزة وهاتى الصينية وأدهنيها زيت أو ذبدة وتكونى مسخنة الفرن واخبزية عشر دقايق علي 160درجه
6_البرازق (بسكويت السمسم)
*********
المقادير:
1 كوب زبدة
1/2 كوب سكر
1 بيض
1/2 ملعقة صغيرة فانليا
3 كوب دقيق
1/4 ملعقة صغيرة ملح
1 ملعقة صغيرة بيكينج باودر
1/2 كوب حليب
3 ملعقة كبيرة فستق مجروش
1 بياض بيض
3 ملعقة كبيرة سمسم
الطريقة
– تخفق الزبدة جيداً ثم يُضاف السكر وتخلط المواد حتى تصبح هشة كالكريمة.
– يُضاف البيض والفانليا مع الاستمرار في الخفق حتى يندمج الخليط.
– يخلط الدقيق والبيكنج باودر والملح.
– يُضاف خليط الدقيق تدريجياً إلى خليط الزبدة.
– يُضاف الحليب إلى الخليط وتخفق المكونات حتى يتشكل عجين متماسك.
– يُمد العجين علي سطح مرشوش بقليل من الدقيق ويقطع بالقطاعة إلى دوائر صغيرة.
– يُقسم الفستق المجروش (حوالي 4/1 ملعقة صغيرة) في صاج على مسافات متباعدة.
– تُوضع الدوائر فوق الفستق المجروش ويضغط عليها قليلاً حتى يلتصق بها الفستق من اسفل.
– يُخفق بياض البيض وتدهن به البرازق من أعلى وترش بالسمسم.
– تُخبز البرازق في فرن حرارته 180 درجة مئوية لمدة 15 دقيقة.
يستحسن أن يوضع الصاج في الرف الأوسط حتى لا تحرق البرازق من اسفل.
الخبز بقي فرن 200درجه لمدة 10 دقايق ولما بيطلع بيبقي طري لان السكر اللي فية بيكون سخن لكن اول مايبرد بيقرمش
8_كوكيز الكاسترد
**************
المقادير:
٢٥٠جم زبدة سايحه
2.5كوب طحين
كوب كاسترد بودر
نص كوب سكر ناعم
بيضة؛فانيليا.
الطريقة
بمضرب البيض يخفق السكر والزبدة حتى تصبح كالكريمة ثم تضاف البيضة والفانيليا؛ونبدا في اضافة الدقيق والكاسترد حبة حبة وتعجن باليد جيدا.تترك في الثلاجة نصف ساعة،ثم تفرد العجينة وتقطع حسب الرغبه؛يحمى الفرن وتخبز على رف الفرن في الوسط حتى تحمر من تحت فقط الحاجه الى الشوايه
ملحوظه ممكن تلزقى كل اتنين مع بعض بالمربى
ممكن يزين الوجه بشيكولاته مبشورة
ثالثا الغريبه
*********
الــمــقــاديــر:
*************
3 كوب دقيق منخول
1.1/2 كوب سمنه بارده بحرارةة التلاجه
1/2 كوب سكر بودرة ناعم جدااً + رشة ملح
بياض بيضه كبيره
+ فانيليا
للــتــزييــن :
************
انصاف فسدق او انصاف لوز او فصوص سكر لامع او فصوص قرنفل
الــطــريـقــة :
************
نضع السمنه فى طبق عميق و نضربها بالمضرب الكهربى او السلك اليدوى او العجان او باليد حتى يبيض لونها و تصبح هششششه و لونها فااااتح جداا
ثم يضاف الى السمنه السكر البودرة الناعم جدااا
ثم نضيف بياض البيضه + الفانيليا و نخفق بالمضرب الكهربى
ثم نضيف الدقيق المنخول + رشه الملح و نقلب بخفه حتى نلم العجين ثم نقوم بدعكها باليد كويس جداااً حتى تمتزج جيدااً و تصبح ناعمه و لينه باليد
نلم العجينه و تترك ترتاح بالتلاجه ساعه : ساعتين ترتاح
ثم نعمل كور صغير و نفس المقاس و نضعها بالصوانى الفرن و نضغط عليها فى المنتصف بانصاف الفسدق او انصاف اللوز او فصوص القرنفل او فصوص السكر الفضى
تدخل الفرن على درجة 160 لمده 10 دقائق و نراعى عدم تغير لونها و يكون قاعدتها اصفر اشقر فااااتح جدااً
تخرج من الفرن و نتركها تبرد خالص و لا يتم تحريكها و لا نقلها غير بعد ما تبرد
رابعا البيتفور
***********
1_البيتفورالناعم
***********
كلنا نعمل لايك+شير للوصفه لكل اصحابنا …يالا عوزين التفاعل يزيد
المقادير
4 اكواب دقيق منخول مع 1|2معلقة صغيرة بكينج بودر
2كوب سمنة
معلقتين كبار حليب سايل
– 3 صفارات بيض + بيضة
– كوب سكر بودرة
– نص معلقة صغيرة فانيلا
ربع معلقة صغيرة ملح
نقطتين خل
الطريقه
نخفق السمنة بالمضرب الكهربائي لمدة 7 دقايق لغايةمايبقى لونهم ابيض ونحط السكر البودرة ونخفق عشان يختلط مع السمنة لمدة دقيقتين ثم البيض والفانليا والخل ونخفق جيدا ثم نضيف الدقيق والبكينج بودر نحطه كله ونعجن بايدينا لمدة دقيقتين تلاتة عشان كل الدقيق يتشرب السمنة ونحط الحليب ونعجن عشان يتقلب مع العجينة
والحليب بيخلي العجينة تطلع من القمع مضبوطة
لو حابين بيتفور بالشيكولاته
&&&&&&&&&&&&&&&&&
ونقسم العجينة نصين بالتساوي ونحط على نص منهم 4م ك كاكاو
ومعلقة كبيرة حليب ونعجن وتبقى نص العجينة بالشوكولاتة
ونشكل العجينة بالقمع او بمكنة البيتيفوراو كيس الحلوانى
نسخن الفرن عشر دقايق على حرارة هاااادية160 الى 170 ونقفل عليهم الفرن لمدة 10 دقايق الى 15ق نستنى عليه بس ربع ساعة يبرد
التزين
********
مربي مشمش
فسدق
او شوكولاتة خام
او شوكولاتة فرماسيل او مبشورة
جوز هند
1_نسيح كوب شوكولاتة مع معلقتين كبار زيت على حمام مائي
ونغمس راس البتيفوراية في الشوكولاتة السايحة وعلى طول نلصق فيها الفورماسيل او المكسرات او جوز الهند
2_بالمربى ونضع المربى بين قطعتين من البيتيفور وزينته بالفسدق وبالشوكولاتة
خامسا المعمول
*************
المعمول بالفستق والجوزوالعجميه والتمر
********************************
عجينة المعمول
*************
2/1 1 كوب سمن
م ص ماءزهر
م ص ماءورد
م ص محلب مطحون
1|2كوب حليب بودرة
1|2كوب ماء دافىء
2 كوب دقيق
1 كوب سميد ناعم
ملعقة صغيرة بيكنج بودر
1_حشو الفستق
************
1 كوب فستق حلبي مجروش خشن
1 ملعقة كبيرة سكر
2/1 ملعقة صغيرة ماء الورد
2/1 ملعقة صغيرة ماء الزهر
2_حشو الجوز
**********
1 كوب جوزمجروش خشن
1 ملعقة كبيرة سكر
2/1 ملعقة صغيرة ماء الورد
2/1 ملعقة صغيرة ماء الزهر
3_حشو التمر
*********
1كوب تمر معجون
1 ملعقة كبيرةسمن
للتزيين : سكر ناعم بودرة
4_ العجمية:
**********
كوب الا ربع عسل نحل
2 ملعقة كبيرة دقيق
2 ملعقة كبيرة سمنة
3 ملعقة كبيرة سمسم محمص
فى كسرولة هنحط السمنة والدقيق ونقلبهم على نار هادية من غير مانحمصهم واول مايمتزجوا ننزل عليهم عسل النحل ونقلب كويس وبسرعه ونسيبهم يغلواثم هنحط السمسم المحمص ونقلب السمسم معاهم ونطفى النارونسيبها تبرد وبعد ماتبرد ونعملها كور صغيرة عشان نجهزها للحشو ولو حسينا انها هتسيح عشان احنا فى صيف هنحطها فى التلاجة
الطريقه
فى اناء هنحط الدقيق الابيض ودقيق السميد مع بعض ونقلبهم ثم ونسيح السمنة من غير ماتقدح وننزلها عليهم ونقلبهم مع بعض كويس ونسيبهم ساعتين يرتاحوا فى مكان دافى ثم ونضيفلهم السكر والحليب البودرة والمحلب والبيكنج بودرونقلب الخليط مع بعض
. في طبق عميق ضعي الفستق ، السكر ، ماء الورد والزهر ، قلبي المكونات لتختلط . كرري الخطوة مع حشو الجوز . . ثبتي الرف الشبكي في وسط الفرن ، سخني الفرن لدرجة حرارة 180 م .
أحضري صواني قصيرة الحافة . أحضري قوالب معمول مشكلة . لتشكيل المعمول :
خذي قطعة من عجينة المعمول بحجم القالب تقريبا ، إعجنيها قليلا وشكليها إلى كرة ، بأطراف أصابعك اعملي تجويف في الكرة باستعمال ملعقة صغيرة ضعي قليل من حشو الفستق او اى حشوة من الحشوات في التجويف واقفلي عليه العجينة ، شكليها إلى كرة ملساء ، ضعي الكرة في القالب الخاص بمعمول الفستق واضغطي عليه قليلا ليأخذ شكل الزخرفة في القالب . اطرقي القالب على طرف الطاولة لينزل قرص معمول مزخرف . أكملي بقية حشو الفستق وحشو الجوزوالتمروالعجميه
ضعي الأقراص في الصينية مع ترك مسافة بين الأقراص . إخبزي المعمول لمدة 15 دقيقة إلى أن يصبح القاع ذهبي اللون . دعي المعمول إلى أن يبرد تماما . إنثري السكرالبودرة عليه
سادسا قراقيش اومينين عجوة او الملبن
******************************
المقادير
كيلو دقيق
كوب سمن – 3/4 كوب زيت
نص معلقة صغيرة ملح – معلقة كبيرة سكر
معلقتين كبااار سمسم
كوب مية
معلقتين كبار قشطة
معلقة صغيرة شمر مطحون
معلقة صغيرة يانسون مطحون
1.5معلقةخميرة ندوبها في 3 ملاعق مية+ومعلقة صغيرة سكر
الحشوة
2كوب تمر عجوة معجونة مع 3 م زبدة طرية+3م سمسم ورشه قرفه
او ربع كيلو ملبن معجون
سائل التلميع الوجة :
بيضه – فانيليا – لبن_سمسم
الطريقه
وندوب الخميرةو مية والسكر ونتركهم فى طبق عميق نحط الدقيق وعليه السمسم في النص في حفرة ونحط السمنة مع الزيت في حلة على نار عالية ونسيبها تقدح لمدة 10 دقايق ناخد السمنة ونصبها عالدقيق والسمسم ونبتدي نقلب الدقيق من تحت لفووووق وندور على اي دقيق في الجوانب لسة ابيض
ونقلبه لاااازم عشان يبقى لونه بيج زي بقية الدقيق ويتشرب السمنة
كويس نحط نص م ملح وم السكر ونقلب بس عشان يختلطواكويس نبتدي نبس العجينة كويس بالمعلقه ثم ونتركها نصف ساعه تبرد ثم نحط الخميرة اللي تفاعلت ونفشت والشمر واليانسون والمية
ونعجن بايدينا كويس اوووي لمدة 5 دقايق وبعدين نحط معلقتين القشطة ونعجن برده نسيبها دلوقتي تتخمر لمدة ساعة
نجهز الحشوة
ونحط التمر في حلة ونعجنه مع الزبدة والقرفة والسمسم
نبدأالتشكيل
1_ رولات القراقيش نفرد قطعة عجينة مستطيل زي كده بالنشابة سمك متوسط مش تخين ولا رفيع وبرده نفرد بالنشابة 3 ملاعق
كبيرة عجوة بالنشابة سمك رقيق ونحط العجوة المفرودة على مستطيل القراقيش المفرود ونلفها زي السويسرول بالظبط ونبتدي نقطع بالسكينة رولات ان شاء الله ونحط بالصينية
2_ القراقيش العادية الصوابع نفرد قطعة من العجينة مستطيل طووولي سمك متوسط ونبرم 3 ملاعق كباار عجوة لصوباع رفيع
ونحطه عالمستطيل ونقطع بالسكية صوابع القراقيش
نرصها بالصينية واقفة كده عشان مش تتحرق العجوة او الملبن
ثم نلمعها بسائل التلميع
ندهنها بفرشاة ببيضةوحليب وفانيليا ورشة سمسم
نسخن الفرن عشر دقايق حرارة هادية 160 الى 170وندخل الصواني وبياخدوا وقت 40 دقيقة
سابعا القرص الفلاحي بالعجوة
************************
المقادير
نصف كيلوحليب
كيلو دقيق
ربع كيلو سمنه
علبه قشطه
معقتين كبيره خميره
معلقه كبيره سكر
الحشو 1|2كيلو تمر+م سمسم+ 2.5م معلقه زبده
الطريقه
نضع الدقيق في طبق العجين ثم نضع عليه السكروالسمسم والملح والخميرة ونقلبهم مع بعض
نسيح السمنه ونزلهم على الدقيق ونعجنهم مع بعض نضيف القشطه ويستمر العجن باضافه الحليب والقشطه حتى تبقى عجينه ناعمه و طريه ومتمسكش فى ايديك وتتركيها تخمر فىمكان دافى
لمده ساعه وطبعا تكونى محضره العجوه
نعجن التمر مع السمسم والزبده وتقسميها كور صغيرة اد حبه عين الجمل ثم نقطع العجينه كور متوسطه وتحطى العجوه وتبططى
على شكل دائره وتسيبها ترفع لمده ساعه وتخبزيها فى فرن متوسط الحراره لغايه ماتحمر
ثامنا القرص الطريه بالسكر والقرفه
**************************
المقادير
5كوب دقيق
كوب حليب
¼ كوب ماء
3 ملعقة زيت
2 ملعقة زبدة
3 ملعقة قشطة
2 ملعقة زبادي
2 ملعقة سكر
2 ملعقة سمسم محمص
ملعقة صغيرة ملح
قطعة خميرة طرية بحجم حبة عين الجمل أو أقل
للحشوة :
5 ملعقة أكل سكر + ملعقة أكل أو 1 و ½ ملعقة قرفة
للوجه :
4 ملعقة سمسم + 2 ملعقة سكر + ½ ملعقة زيت
الطريقه
تذوب الخميرة مع ملعقة سكر في الماء الدافئ وتغطى وتترك جانبا لتتتضاعف
ويخلط الزبادى مع المكونات السائلة (الزيت والزبدة والقشطة والحليب) وتدفأ قليلا على النار
+ خليط المكونات السائلة وتعجن + الخميرة وتعجن حتى نحصل على عجينة طرية ملساء تلتصق باليدتغطى وتترك في مكان دافئ لتخمر وتتضاعف تؤخذ قطع من العجين وتحشى بخليط القرفة والسكر وتغلق جيدا وتكور وتمسك من مكان الغلق ويضغط وجهها في خليط السمسم والسكروترص في صينية الفرن و تترك ترتاح ½ ساعة
كمان في فرن دافي وتخبزفى فرن بدرجة 180لمدة 20 – 25 دقيقة
يجب عليك تسجيل الدخول لكتابة تعليق.