مطلوب عروسة

 

 

إيمان العادلى

 

الحلقة الرابعة عشر

 

الحمد لله فلت بعمرى من العروسة أللى عاوزنى أخد بتار أبوها

يقطع الجواز وسنينه وأيامه و٠٠٠٠٠٠

 

الحاجة أميمة : واد يا حمادة شوف بقى أنا بعد فحص ومحص لاقيتلك عروسة حلوة ولقطة

 

حمادة :لأ مش عاوز أنا جبرت خلاص ولا تفحصى ولا تمحصى أنا صرفت نظر عن الموضوع ده مؤقتآ

 

الحاجة أميمة : نعم ياروح ماما صرفت نظر أزاى يعنى عاوز تبقى عاق لأمك وأبوك وتحرمنى من أحفادى ده لا ممكن أبدآ أحنا خلاص خدنا ميعاد للعروسة الخميس الجاى وأبوك حيشترى التورتة المرة دى بنفسه يمكن النحس يتفك

 

حمادة : أزاى يعنى تاخدوا ميعاد من غير ما أعرف حتى مين العروسة فين حقوقى كا أبن لهذة الأسرة المتجبرة

 

الحاج محمود: أيوة يا سى حمادة خدنا ميعاد وخلاص والعروسة تبقى بنت أبن خالى رفعت أللى كان فى الكويت طلع عنده بنت حلوة على وش جواز وأتفقت معاه نروحلهم وها نسأل الله التساهيل

 

حمادة : ماشى يا حاج بتألش عليا ماشى لما نشوف أخرة العروسة دى

 

وهوبه ٠٠٠٠٠٠٠

 

أبو العروسة : أهلا أهلا با أبن عمتى الحاج محمود والحاجة أميمة أزيك يا حمادة والله وكبرت وجاى تخطب نورتونا أتفضلوا

 

الحاج محمود : منور بيك يا رفعت وبالحاجة سناء وبعروستنا القمر مروة

 

حمادة : اهلا يا عمو رفعت أه والله كبرت وبقى عندى 33 ههههههه

 

أم العروسة : نورتى يا أميمة منور يا حمادة يا عريسنا القمر انت أتفضلوا يادى النور

 

حمادة : مبدئيآ كده الجو العام حلو وعمو رفعت وتانت ناس دمهم خفيف وكرماء وزينا كده يا مسهل يارب وتطلع مروة حلوة كمان والموضوع يتم بقى وأتجووز

 

الحاجة أميمة : أيه يا سناء مش حنشوف عروستنا ولا أيه

 

أم العروسة: أزاى يا حبيبتى دى العروسة اهى جاية تعالى يا ٠٠٠٠٠٠

 

العروسة : اهوو يا جماعة أنا جيت هههه ونورت البيت

 

حمادة : الله دى حلووة وكمان فرفوشة ودمها خفيف بين الجوازة حتكمل يا حمادة

 

الحاجة أميمة : ماشاء الله قمر يا حبيبتى يجعلك من نصيب أبنى

 

العروسة : هههههه أميين ياتانت اهلا عمو رفعت فينك من زمان مبنشوفكش ولا بنشوف البت أميرة

المهم يلا يا بابا وأنتى ياماما وعمو وتانت أدخلوا كده فى أى أوضة وسبونى أنا وحمادة نتعرف على بعض ونحكى شوية سوا و كده يعنى

 

ابو العروسة : هههههه بنتى بتحب بتهزر كتير عموما يلا يا جماعة نروح الليفنج ونسبهم هنا ( بالراحة على العريس ها أرحمينا عاوزين نجوزك)

 

حمادة : الفار بدأ يلعب مش عارف ليه أستر يارب

 

العروسة : ها أنا مروة 30 سنة وخريجة حقوق ومحامية حرة وفى حقوق الأنسان و متخصصة فى قضايا المرأة يعنى خلع تبديد قايمة ضربها مثلا إتجوز عليها من وراها خانها بيمارس عليها أفكاره الذكورية المتعفنة

بعون الله بحبسه من أول جلسه أمال أيه هى فوضى

المهم عرفنى بنفسك يا حمادة أحب أسمع منك

 

حمادة : (الجواب باين من عنوانه وبينها جوزاة طين ) دى محكمة العدل الدولية بحالها يا لهوك يا حمادة إفلت يا ولد وأهرب بجلدك أه أنا مهندس مدنى وعندى مكتب و ٠٠٠٠٠

 

العروسة : أه أه منا عارفة أنا عاوزاك تتكلم عن نفسك براحتك خالص علشان أعرفك أكتر وأقيمك ميهمكش كام جلسة نقعد مع بعض المهم فى الأخر أعرف أمسك خيوط القضية قصدى الشخصية شخصيتك يعنى

 

حمادة : قضية أيه وشخصية مين هو أحنا فى المحكمة أنسة مروة ولا فى قعدة عائلية للتعارف فى مشروع جواز وكده يعنى

 

العروسة :ماهو يا أ احمد لو معرفناش بعض كويس بعد كذا جلسه ودرسنا كل فروع القضية مش حينجح جوازنا ولا أيه

الجواز ده قضية وأنا وأنت طرفيها ولازم نتراضى ونكتب شروطنا علشان قضيتنا تنجح ولا أيه رأيك أ أحمد

 

حمادة : قضية ايه وشروط ايه بس أنسة مروة أحنا مش فى محكمة وبرضه حسمعك أتفضلى أتكلمى علشان نعرف بعض أكتر و ٠٠٠٠٠

 

العروسة : شوف يا أ احمد بحكم شغلى ودراستى أكتشفت ومتزعلش يعنى منى إن الرجالة كلهم كائنات أنانية وناقصين كده ومش بيحبوا نجاح الطرف التانى فى حياته

أه هو أنت من النوع ده

 

حمادة : أطلاقآ أنا بفرح بنجاح أميرة أختى ونجاح ماما لما بيفلحوا فى حاجة وأكيد حفرحلك برضه و ٠٠٠٠٠٠

 

العروسة : عال عال وفى نوع بقى خسيس وده كتير أووى مهما مراته تقيد له صوابعها شمع يخونها وممكن يتجوز عليها بس أيه مقولكش النوعية دى أنا بقضى عليهم و ٠٠٠٠

 

حمادة : مالنا ومال النوعيات دى أنسة مروة هو أحنا حندخل دنيا ولا حنخرج منها

 

العروسة : تمام يعنى أنت بثبت حسن النية وأنك نوعية لوحدك من صنف الرجالة صح

 

حمادة : اه افرضى كده حسن النية ونتكلم فى حاجات تانية

 

العروسة : لأ مفيش كلام بينا غير بعد ما توافق على شروطى للجواز وبعدين نبقى نفتح حورات براحتنا

 

حمادة : أتفضلى أيه الشروط

 

العروسة :الشروط دى مبتفرقش من أى عريس شارى وناوى يتجوز ويستقر ويبنى عش الزوجية أما أللى ناوى يلعب ده هو أللى حيرفض هو أنت ناوى تستقر ولا تلعب

 

حمادة : أستقر والله عاوز أستقر وأخلف أحفاد لأمى

 

العروسة: توكلنا على الله يبقى أولا العصمة فى إيدى وثانيا حنكتب قايمة بكل قشية فى البيت وبمبلغ محترم وثالثا حتكتب لى شرط فى قسيمة الجواز أنك عمرك ما حتتجوز عليا لأى ظرف ورابعآ ٠٠٠٠٠٠

 

حمادة : مفيش رابعآ ولا غيره ولا أنا موافق ولا عاوز أتجوز وأنتى مش فتاة أحلامى خالص و

بابااا يا ماااااما هلموا بنا

 

الحاج محمود : ( الأشارة يبقى العروسة معجبتش الواد ) عموما يا رفعت كام يوم وأقولك الرد إن ٠٠٠٠٠

 

حمادة : مفيش كام يوم يا عمو بصراحة بنت حضرتك معجبتنيش بنتك مسترجلة ومينفعش معاها راجل زييا هى عاوزة واحد لمؤاخذة يعنى وأنا مش كده

 

يلا يا بابا وسلامو عليكم

 

يا وقعتك السودة يا حمادة دى كانت لفتتك كعب داير فى المحاكم لو قلتلها الغدا أتأخر ليه

 

يلا أستنونى بكرة وحلقة جديدة