ليه ياضحكتى

ليه ياضحكتى مخصمانى؟
بعيده عنى وليه هجرانى..
أرجوكى حسى..متنسينيش

لمحتها هناك بعيده..
واقفه وحدك شريده
ناديت عليها..ماسمعتنيش ..

نزلت ع الخد دمعه
وهيا لاشايفه ولاسامعه..
شاورت ليها..ماشفتنيش

رسمتلها ف ورقه ملامحى
كتبتلها إرجعى سامحى..
بعدت عنيها..معرفتنيش..

جريت عليها أقرب..
لمحتنى حاولت تهرب..
صرخت بحرقه..ماحستنيش..

ليه ياضحكتى مخصمانى؟
بعيده عنى وليه هجرانى..
أرجوكى حسى..متنسينيش
خالد المنصوري/مصر
10/2/2020