كوباية شاي

 

بقلم سهير عسكر

كوباية شاى موجودة هناك

سُخنه ومظبوطة ومستنياك

تقول وتفضفض تحكى اللى معاك

ما السر فيها وكأنها دواك

نقعد نتسامر ونفكر فى حلول

دا ينفع دا مستحيل ودا معقول

وفى آخر القعدة ينفض المولد

ننسي اللى اتقال ولا كأنه موجود

كوباية معاها تبدأ حكايتنا

لكل الحبايب ولضيوف بيتنا

ساعة العصرية ترَوق بالى

من العصبية وتغَير حالى

أو وقت الصبح تصحصحنى

بتنشنطنى وتريحنى

مع كل شفطة أنسي اللى فات

من ماضى حزين وذكريات

كوباية شاي موجودة هناك

تعزمنى عليها أول ماتشوفنى

تحلف وتصمم وإلا ماتعرفنى

وبكرمك كده إنت بتكسفنى

عندك أو عندى مش فارقة

أهم شئ أشربها معاك

كوباية شاى موجودة هناك