قصيدة (الماضي)

 

شعر،،،، ولاء حجازى

بطاردنا الماضي بأخطائه

لو مهما نحاول نسيانه

والذكرى تحيي من تاني

مسجونة قلوبنا فأحزانه

ويمر شريط قدام عينا

وبيوجع بمرور الذكرى

والدمعة ما تفارق عينا

ولا نعرف نستقبل بكرة

وحياتنا من ذكرى لذكرى

كل ما بنحاول ننساها

يفاجئنا حاضرنا بالذكرى

واهى دنيا ومكتوبة علينا

هنشوف ياما فيها عجايب

لا ارتاحنا ولا مرة نسينا

والحاضر بقي يحيي الغايب

وما بين الحاضر والماضي

نتعلق فخيوط مشبوكة

حلقات عمرنا بتعدى

دنيتنا دراااااما محبوكة

علي مسرح كلنا عايشينه

والشاطر فيها اللي يعدى

ويراجع دايما حساباته

ده العمر بيجرى ولا يهدي

فياريت ترسموا ملامحكم

ف وشوش وقلوب الناس

الجنة هتكون مطرحكم

يا أغلي وأعز الناااااس