خايف تحكي

بقلم_ انتصار حسين

…….

خايف تحكي

خايف تبكي ..طيب ليه

 كفايانا حكاوي

والبُكى….ده ياما خدنا عليه

خايف تفرح ..طيب ليه

خايف تسبح.في بحور الحب

افرح واسبح …..

يمكن ييجي يوم ….

والفرح ياخد علينا وناخد عليه

….

كفايانا خوف….

كفايانا وقوف ….

خَطي للحب واجري عليه

…

خايف منه كده ليه

خايف تنجرح

مهو اصل الجرح جوة القلب

متبت فيه…

طيب إبعد واقفل بابه

ولاتاني ترجع لاعتابه.

وريح قلبك من اللي ماليه

وارحم عقلك م الفكر اللي مخبيه

مالك ..ليه اتغير حالك

شايف هم الدنيا قُبالَك

سيبها عللي خلقها

قادر وحده يعدلهالك

….

إنما ليه تحزن ليه

ليه خايف م الخطاوي

ليه عمال تحسب وادًَاري

مرة ف عمرك اوعى تخاف

مرة ف عمرك افرح

خفف حملك وللحب أسبح

كفايانا قلق …

كفايانا ملام….

ده العمر لساه قدام

جايز تنسى أسوة الأيام

جايز تتحقق مرة الأحلام