حقى فى رقبتك (ح)٢
الحلقة الثانية
قوم شوف مين ع الباب ياولدى
انا جاى اهو براحة شوية الدنيا هاتطير ولا اية
اهلا احلام وتهانى يابوى…
تعالوا ياولاد ربنا يبارك فيكم جايين تطمنوا ع ابوكم
امال يابوى احنا لنا حد غيرك نسال علية ويسال علينا
قصدك اية يا تهانى ماقصدى ياخوى انا بتحدت مع بوى
اقعدى يابنتى مالك انتى واختك
مافيش يابوى انت عامل اية وصحتك
مش قلتلك يابوى ماتروحش الغيط وانت تعبان وكمان بتروح بدرى
مين قلك يا بت
حمزة سلفى قالى يابوى وكان زعلان عليك
فيه الخير بس يقولك ليه مالكيش صالح بحاجة
كدا يابوى انا خايفة عليك
وبعدين عكاشة هايفضل نايم كدا ولاشغلة ولا مشغلة
متقوليش ع اخوكى كداا بيروح الغيط
بس انتى عارفه انى مابحبش القاعدة
ايوة يابوى عكاشة لازم يشيل عنك وانت ترتاح
ماله عكاشة ياست احلام هو انتم جايين ليه مخصوص
خلاص الستات بقاا لها كلمه خلاص
احنا ستات احنا اخواتك ياعكاشة ولا انت مش شايف كداا
شوفت يابوى بناتك بيقولوا لية
عبيب يابتى انتى وهى دا اخوكى الكبير والوحيد وريثى
يعنى اية يابوى وريثك دى هو احنا مش بناتك ولا اية
بس اسكتى انتى قفلوا ع الحديت دا خالص وهاتعملوا تكلوا ولا تغوروا
لاء يابوى هانعمل لك لقمة ونغور ونريح مننا خالص
انا طالع من وشكم ياكم الهم والحزن
رايح فين يابوى هاروح اصلى العصر ع ماتجهزى الغدا
ياساتر اتجوزوا ولا لكنه اتجوزوا
الحمدلله..
تقبل الله يا حاج محمود
تقبل الله ياحاج حسين وينك ياحاج كتت بعافية شوية
ايوة ولدك حمزة قالى امبارح ربنا يبارك فيه
ربنا يعزك ياحاج ويبارك فى ولدك عكاشة
ايوة ادعيلة ياحاجة يهديه ربنا
بقولك ياحاج محمود
قول ياخوى
انا توكلت على الله قسمت الارض زى ما الكتاب بيقول
حمزة كتبت له الفدانين اللى فى الجهه البحرية
والبنتين كتبت لهم الفدان التانى اللى جنبك
ازاى يا ابو حمزة تدى ارضك للغريب
مين الغريب دول اجواز بناتى يعنى ولادى
لاء انتا غلطان الارض زى العرض
ماتفرطش فيها ابدا
دى من حق ابنك مالك انت
دا الكتاب اللى بيقول
ودا الدين وشرع ربنا
لاء احنا لنا عادات وتقاليد مش هانغيرها
انت حر انا ماشى
السلام عليكم
ياحاج محمود انت زعلان ليه ياحاج
لا حول ولا قوة الابالله
نراكم ف الحلقة القادم
يجب عليك تسجيل الدخول لكتابة تعليق.