توجهت فتاة بسؤال إلى الدكتور علي جمعة، مفتي الديار المصرية الأسبق، ورئيس لجنة الشئون الدينية بمجلس النواب، بشأن ضوابط الصداقة بين الجنسين.

 

وقالت الفتاة، خلال مشاركتها ضمن برنامج «نور الدين»،

الذي يقدمه جمعة عبر فضائية «الأولى»، اليوم الثلاثاء:

«الصداقة يعني وجود احتكاك زيادة عن اللزوم، والأمر يمكن يبقى خارج إطار العلم».

 

وسأل «جمعة» الفتاة، قائلًا: «الصداقة التي تتحدثين

عنها هل فيها عفاف ولا مفيهاش عفاف؟ لو فقدت

العفاف تبقى خاطئة، لو قلت لك الصداقة بين الولد

والبنت مباحة، ممكن تفهمي إن الصداقة معناها

الاحتكاك الزيادة عن اللزوم، لكن أنا وضعت الضابط الذي

تستطيعين به حل كل شيء».

 

ودفعت الإجابة الفتاة إلى السؤال عن اتخاذ بعض

الفتيات أصدقاء مقربين من الذكور، ليرد عليها: «عارفة

ليه بتقول ده البيست فريند بتاعي؟ لإنها مسمعتش

الكلام اللي أنا بقوله وأنتم بترفضوه عشان بتحسوا

جواكم إنه ضد العفاف».

 

واستطرد: «لازم نفهم الناس من الأول إننا بشر مجتمعين

اجتماع بشري، إن عندي حد اسمه الجار وابن العم والأخ

والزميل والرفيق العلاقة بيني وبينهم هي العفاف،

زمان كان يقول لك أصله ابن بلد وعنده أخلاق، ولو في

واحد شاف عيال بتعاكس بنات هيقول لصاحبه يلا نقوم

نضربهم عشان دول بنات حارتنا».

 

وأضاف: «وقتها هتحسي بالانتماء وحد بيدافع عنك، ده

شيء كويس، اللي بيدافع عنك الناس اللي قاعدة في

الحارة على القهوة واللي عارفة الأصول واللي عارفة إن

العلاقة أصلها العفاف، اللي رايح يضرب اللي بيعاكس

البنات ويتحرش بيهم دفاعًا عن بنات حارته دي شهامة،

الأمور والله واضحة بس إحنا في ناس تتصرف من الناحية

دي وناس بتتطرف من الناحية التانية».