.بقلم /أيمن بحر
1 – اكتر من 90% من ايرادات فرنسا مصدرها الضرائب
2 – اكتر من 47% من اقتصاد فرنسا( GDP) قائم علي الضرائب
3 – متوسط دخل الفرد 1500 يورو
70% من الشعب الفرنسي بيعيش علي المتوسط دة فوق او تحت ب 500 يورو
4 – التعليم والصحة والمرافق والخدمات اللى انت شايفها عظيمة وفاكر انها مجانية – وهي بردو مش مجانية 100% – كلها بيتصرف عليها والحكومة بتستثمر فيها من جيب المواطن عن طريق خصم الضرائب والتأمينات وعشان كدة هي رخيصة وبعضها مجاني فعلا
5 – الدولة الفرنسية لا تملك اي مصدر دخل اخر سوي الضرائب عشان تصرف منه علي الدولة
6 – المرتب قبل الضرائب = 3000 الي 4000 يورو
المرتب بعد الضرائب والتأمينات = 1400 الي 1600 يورو
7 – فرنسا اكبر اقتصاد خدمي فى العالم, صناعة الخدمات أهمها السياحة طبعا
فرنسا اكبر دولة سياحية بالعالم ب82 مليون سائح و 60 مليار دولار
لكن ال 60 مليار دي بتذهب لجيوب الشركات والمطاعم والفنادق والمسارح والسينمات …الخ مش لجيوب الدولة
الدولة بتستفيد فقط انها بتفرض ضرايب علي المؤسسات السياحية دي
8 – حجم الاقتصاد الفرنسي = 2.2 تريليون يورو
وهو تالت اكبر اقتصاد في اوروبا وسادس اكبر اقتصاد في العالم
حجم الموازنة الفرنسية = 413 مليار يورو
9 – عدد الفقراء فى فرنسا = 9 مليون مواطن او 14% تقريبا
معيار الفقر هو ان تحقق دخل اقل من 954 يورو / الشهر
ميزانية الحكومة لمساعدة الفقراء ارتفعت بمقدار 8 مليار يورو فى عهد “ماكرون” ستصرف علي 4 سنوات
عدد الوجبات التى قامت بتوزيعها اكبر منظمة خيرية فى فرنسا “Les Restos du Cœur” علي الفقراء فى 2015 = 128 مليون وجبة
10 – ملحوظة علي الهامش : فى الوقت اللى ايرادات فرنسا 90% منها ضريبية , ايرادات مصر فى موازنة 2018/2019 كانت 77% منها ايرادات ضريبية و 23% ايرادات غير ضريبية !
ومع ذلك كان فيه ناس هنا فى مصر بتتريق لما عرفت المعلومة دي وان ازاي مصر معتمدة علي الضرائب فى 3/4 ايراداتها وفين الاستثمار والصناعة والزراعة والمشاريع والانتاج ؟
المشكلة ان الاستثمارات الاجنبية او الحكومية والمشاريع والصناعة دى قصة تانية خالص مش بتدخل فى الموازنة وأثرها ملوش علاقة مباشرة بايرادات الدولة بل بتدخل فى قوائم مالية اخري زي ميزان المدفوعات او الميزان التجاري او الحساب الجاري او بتساهم فى زيادة ايرادات عناصر اخري بطريقة تدريجية ومتراكمة
يعني طبيعي جدا ان الضرائب تكون مصدر الدخل الرئيسي لاي دولة , المشكلة انهم بيتكلموا بثقة اوي وبيقولولنا نتعلم من اوروبا والدول المتقدمة واننا لازم نعتمد علي مصادر اخري غير الضرائب وشايفين ان نسبة ال77% دى كبيرة , معلش الجهل يعمل اكتر من كدة
لو مش مصدق اي رقم او معلومة بص فى المصادر, ولو ملقيتش المصدر واضح اكتب تعليق وانا هبعتهولك , ومتنساش تبعت البوست وتعمل منشن لصاحبك الفتاي
يجب عليك تسجيل الدخول لكتابة تعليق.