الناس الجميله

 

وسام الهندى
ايه اجمل من الناس إللى كل حاجه عندها بسيطه…ناس كميتها سهله مش ملعبكه…ناس لما تقرب لهم تحمد ربنا انه رزقك معرفتهم وصحبتهم….ناس زعلهم ديما بيتحل بكلمه حقك عليا او حتى بضحكه بسيطه … ناس لما بيزعلوا بياخدوا بالهم اوى من كلامهم وهما بيعاتبوك بيخافوا حتى فى زعلهم يجرحوا إللى قدامهم… ناس لو قصرت معاهم او غبت شويه عنهم بيلاقولك مليون عذر أصلهم باقيين اوى على إللى بيحبوهم….الناس دى لما بتزعل بيبان على وشهم زعلهم بسيط تلاقيهم هما إللى جايين يقولوك على فكره انا زعلان منك بكلمات هاديه ما بتجرحش.. …الناس دى لو قابلتهم فى حياتك حافظ عليهم لانهم عمله نادره …بيشوفوا البلوك ده حاجه حاده جدا لان ده مش أسلوبهم…بس مشكله الناس دى انك لو خسرتهم وخدشت قلوبهم بمعامله فظه مستحيل تعرف ترجع ودهم تانى …الناس دى عمله نادره جدا.