الكوكيز

.

نانا عاطف

جربوه ومش هاتبطلوا تعملوه سهل وموفر جدا والأولاد والكبار بيحبوه
……
ده بالنسبه ليا السهل الممتنع مافيهوش غلبه ولا تعب وبسيط ومقاديره سهله
……….
الطريقه بالمقادير
ربع كيلو زبده لينه بدرجه حراره الغرفه
كوب سكر بودر
٢بيضه
٣معالق كبار عسل اسود
٣معالق كبار نسكويك كاكاو طعمه روعه وبيفرق كتير في الطعم
٢كوب شوكليت شيبس كوب جوه العجينه وكوب لوجه الكوكيز
نص م. ص كربوناته
نص م. ص ملح
نص م. ص بيكنج بودر
فانيليا
حوالي ٣كوب ونص دقيق وممكن نحتاج كمان معلقتين
………
نخفق الزبده مع السكر ويكونوا كريمي وننزل بالعسل ونخفق كويس وننزل بالفانليا والبيض واحده واحده وبعدها الكاكاو ونضيف الملح ونخفق وبعدين ننزل بالدقيق مع الكربونات مع البودر ونعجن بأيدينا براحه مع اضافه كوب من الشيوكليت شيبس وبتكون العجينه بتلزق شويه وندخلها الفريزر ربع ساعه تشد معانا
………
نخرجها وندهن ايدينا بنقطتين زيت وناخد منها قطع صغيره نكورها وننزل عالشيكولات شيبس ونضغط ضغطه خفيفه ماتبططوش فيها خلوها عاليه وترص في صاج على مسافات متباعده وتدخل فرن حامي على ١٨٠ لمده ربع ساعه وبيكون طري مش ناشف نسيبه يبرد ويحفظ في علب
جربوه هاتدعوللي بجد وهايعمل كميه كبيره جدا من مقدار صغير وموفر جدا معانا