الزمن عمال بيجرى

شعر وليد محجوب
الزمن عمال بيجرى …
والكل بيقول لسه بدرى …
بدرى عدا وراح …
بعد ما شاف الجراح …
من زمان ياما كان …
زى ما كان قبل الزمان …
كان كله امان …
وكمان طيبة وايمان …
وناس سمر وجدعان …
واقفين لشر الايام …
والخير فايض علينا …
وكمان على كل الجيران …
والصبح الطالع مشرق …
بنوره على كل البيبان …
والليل الساحر بييجى …
بسهراته الحلوة ف رمضان …
الزمن عمال بيجرى …
والكل بيقول لسه بدرى …
بدرى عدا وراح …
بعد ما شاف الجراح …