الثقة

عزة ابوالسعود العسيري

خليكى واثقة ان اللى عايزك فى حياته هايخليكى فى حياته..حتى لو انتى مش عايزة..هايفضل محسسك انك مهمة..هايفضل باقى عليك..!! خليكى واثقة ان اللى بيحبك حتى لو حس او حتى قولتيله نبعد..مش هايبعد..مش عشان مدلوق و لا عشان ضعيف..بس عشان اللى بيحب بجد مبيعرفش يدارى..!! خليكى دايماً واثقة ان اللى بيحب بجد مش هايعرف يحب بعدك..و مش هايفتكر اللى قبلك..مش هايبقى أصلاً فى دماغه انه يفكر فى واحدة غيرك..لأنه أصلاً مش هايبقى شايف غيرك..!! خليكى واثقة ان اللى بيحب مبيفقدش الأمل فى الشخص اللى بيحبه..اللى بيحب مبيعرفش ينسى و لا بيعرف انه يمثل و يتصنع القسوة و الحاجات دى..!! خليكى متأكدة ان اللى بيحب بيقول كده بعينيه و افعاله قبل ما ينطقها..!! خليكى واثقة ان اللى بيحبك هايتشقلب عشان يعرف بتحبى ايه و بتكرهى ايه و نفسك فى ايه و يعملهولك..!! الحب مش سهل و لا هو كلمة كده بتتقال و خلاص ما كلنا بنقول لصحابنا و ناس نعرفهم اننا بنحبهم..بس الحب اللى بجد اللى هو اللى لما حد يجى يسألك حبيتيه ليه..؟!!تردى تقولى معرفش..بس حبيته . الحب مبيستأذنش و هو داخل و لا بيحط رجل بره و رجل جوه..هو يأما غصب عنك تلاقى نفسك بتحب و بتتشد و بتتعلق و بتفكر و تسهر و تسرح فى الشخص ده بدون سابق إنذار..يإما انت محبتش..