الانبساط

رانيا اسامة

انا مش مبسوط/ة..

نفسي اكون مبسوط/ة

ليه لما حد يقول كلام زي كده بنقول فورا… جاحد.. ناكر نعم ربنا

شوف غيرك.. واحمد ربنا ع اللي انت فيه

الدنيا دار شقاء.. اعمل لاخرتك…. الخ

ليه بنحكم من واقع تجاربنا وخبراتنا ومشااعرنا …. وبس

محدش بيراعي الاحتياجات النفسيه اللي ممكن توصل حد انه يفقد سكينته.

احساس الاحتياج للانبساط.. مالهوش علاقة بالرضي

له علاقة بالاستقرار النفسي

له علاقة بالسلام الداخلي

له علاقة بفقد شىء… بيبقى الواحد مش قادر يحققة لنفسه

أو محتاج شريك يحققه معاه… وخاصه ان كان الشريك ده سبب عدم الانبساط

له علاقة فاغلب الأوقات بالاحساس بالوحده وسط ناس كتير

له علاقة بالحنين لمشاعر كانت بتبسط وماتت

وكتير بيكون له علاقة بوجع قديم… لا عارف تناساه ولا اللي وجعك فارق معاه.

لما حد يقولك انا مش مبسوط اعرف كويس انه مش قانط

ده بائس… محتاج الاحتواء بالكلمة الطيبة

بلاش تنظير…

مفهومي هنا عن الانبساط.. (الابتسام من القلب)

والتنفس باريحيه بدون ماتبقى حاسس حاجه كاتمه نفسك وكأنك بتتخنق

#خلاصة_تجربة