الازمات نعمة (٢)

بقلم /رانيا اسامة

كنت كتبت عن الازمات فمقال سابق

وقلت ان الازمات نعمة
وقلت اننا لازم تكون محددين، نوع الازمة ايه
ومين سبب الازمة
ونديرها ازاي
هنتكلم فاول نقطة
ايه انواع الازمات. .

غالبا الازمات في تقديري الشخصي وباختصار تصنيفها كلها قريب من بعض… ولكن درجه تفسيرنا ليها بيختلف سواء احنا فالازمة (طرف يعني) او دورنا هو المتفرح او مطلوب مننا نحل الازمة

كلنا طول الوقت فازمات…
و اكبر ازمتين كل الناس بتمر بيهم هم الماديه و العاطفيه
وتتفرع منهم انواع كتير جدا

يعني مثلا الازمات العاطفيه (ومش بقصد بيها ست وراجل) فهي بترتبط بعلاقتنا بجميع انواعها.،
وعشمنا في ناس….وخزلان ناس لينا
ف الحب والكرة..والاحترام فالتعلق عموما بأي شى او شخص او كره اي شيء أو شخص
أو حتى حيوان

وتتحكم بقى فمزاجنا وانطباعتنا و علاقتنا القادمة وخبراتنا الحياتيه وطريقة تشكيل مشاعرنا

واكتر ناس بتتاثر بيها النساء والأشخاص الودودين ومحبين الحياه بشكل عام… ومنها مايسبب أمراض نفسيه وصولا للانتحار

النوع التاني الازمات الماديه… ودي بقى بنعاني كلنا منها حتى الاغنياء…

لأن الموضوع هنا له علاقة بتصنيف كل شخص لما يحب عليه توفيرة وما معدل الرفاهية الذي يرضيه
فالأمر هنا يتعلق بمنفعته الحديه من الاشياء
كما ترتبط ايضا ب الازمات العاطفية… لأننا نكون مشاعر ايضا تحكم علاقتنا بزملاء العمل والمديدرين والعمال… الخ

و كثيرا ما يعاني بعض الاشخاص من الازمتين في آن واحد وفعلا ارتباط الازمتين ببعض وثيق زي مثلا اللي بيحب حد ومش قادر يرتبط به لظروف ماديه
أو اللي يحقق له الرضى فالحياة الإنجاب… ولا يملك ثمن عمليه الحقن المجهري
أو اللي بيحب اهله وشايف انه منبوذ لعدم تحقيق نجاح وظيفي بشكل معين زي اخواته

ولكن هل تنظر لازمتك من الخارج؟؟

ولا بنتواكل… ونقول توكلنا؟؟؟
هل تبحث عن حكمة ربنا فيما حدث
هل تتأمل الازمة… قبل تفاقمها

ده مش صعب… ده حله الوحيد التريث والعمل بنصائح كل الرسل السماوية (بأن لا تغضب)
ده هيساعد كتير في إدارة الازمة… وتدارك أمور قد يكون التهور مغطيها
التهور في حل الازمات سبب التعمق والتوحل اكثر
أو التعامل مع الازمة على أنها امر رباني…
انا ماينفعش اخرج وابص من برة زي ان على فترات التغيرات الهرمونيه ففترات الحمل والنفاس والطمث
هنا هي مش هينفع تطلع من الازمة…. اه هو امر رباني

بس محتاجه تديرها وفترات طويله لغايه ما الزوج يتفهم… فقط يتفهم
لانه عمرة ماهيفهم الكهربا اللي جوه عامله ازاي
محتاجه تحطي نفسك مكان اللي مش فاهم في ايه هو شايفك مجنونه ومفتعله الخناق لازم تلاقي طريقه تديري الازمة وتحوليها لمحفز إيجابي.

اغلب الناس اللي قابلتهم مطلعوش برة الازمة وبصوا عليها بعين المتفرج… او حد سأل نفسه (مش يمكن انا سبب الازمة)
ولكن على العكس اطلاقا… ومن واقع المشاكل اللي بقرأها فرسايل الصفحة محدش باصص الا لنفسه
الحياديون قليلون
غالبا مايبحث الجميع عن شماعات في دولاب الطرف الآخر يعلق عليه الأسباب والنتائج.
نكمل الحلقه الجاية
Rania.ossama.Blog
#خلاصة_تجربة