اسرار عمل التوم البودر والبصل البودره والبابريكا العاديه والمدخنه
ايمان العادلى
المكونات
كل اللي هنحتاجه
👈بصل
👈توم
👈فلفل احمر
الطريقه
كل الخضار هيتقطع شرايح رفيعه جدا
ويتفرد علي صينيه كل صنف لوحده منفصل طبعا
ويدخل فرن سخن جدا يعني نسخن الفرن جامد وبعدين نهدي الفرن علي اهدا درجه حراره لمدة عشر دقايق بس
علي الرف اللي في النص ونطفي ونسيبه يكمل مع الصهد اللي في الفرن
هنفتح الفرن بعد ساعتين نلاقي الخصار نشف ومقرمش نطحنه في الكبه مع رشه ملح بسيطه خالص عشان تحافظلي عليه وتساعد معايا علي الطحن في المطحنه
وباسهل طريقه هتلاقي نفسك عملتي اجمل توم وبصل بودره وكمان بابريكا
ولو عاوزه البابريكا مدخنه
اول ما تطفي الفرن علي الفلفل الاحمر هاتي طبق صغير فيه فحمايه مولعه طبعا
وانزلي عليها بمعلقة زيت واول ما تطلع دخان🌪️
روحي مدخلاها الفرن مع الفلفل واقفلي الفرن تاني
الفلفل هيتشرب ريحه الدخان وهتبقا احلا بابريكا مدخنه في الدنيا
وعلي فكره اانتي كدا عملتي حاجه بيور مركزه واصليه واقل حاجه منها بتبان جدا في طعم الاكل ده غير التوفير والنضافه والامان وريحتها تخبل والله
