أفتكاسات زوج صايم

إيمان العادلى

إلهام وممدوح

الحلقة الخامسة

ممدوح : يعنى انا كل يوم ازعق المطبخ ده مش بينظف لية الاطباق والصحون كلها مش نظيفة

الهام : اية بس ياحبيبى مالك صاحى بدرى النهاردة لية ده الساعة ماجتش ١٠ لسه مش عوايدك يعنى

ممدوح : انا بقولك المطبخ تقولى صاحى ليه

الهام : أنت عاوز تعمل مشكلة وخلاص يا حبيبى ولا ده بسبب

 الكنافة بتاعتك اللى فشلت يا روحى ومنفعش لها عملية الإنعاش اللى عملتها لها هههههه

 انت بتنسى ولا اية لما بتعمل حاجة فى المطبخ بتقلبوا من فوقه لتحته وبيبقى عامل زى بيت الأشباح وتسيب الأطباق وبيبقى عاوز يتنسف هههه

ممدوح :

انا برضة السبب انتى دايما مش بيعجبك اى حاجة بعملها

الهام: ازاى ياروح الروح هى بس الكنافة بتاعة امبارح هى اللى غلطانة

الا بالحق ياحبيبى هو انت حطيت ايه علشان تبقى حجر كده ههههه

ممدوح : اقولك انا ماشى من وشك

ومش داخل المطبخ تانى ومتتحايليش عليا اعمل سلطة ولا حتى رز

الهام: عادى زى كل يوم يغضب زى الاطفال ويخرب الدنيا

رهف: اية ياماما مش قولتك كبرى دماغك وبلاش خناقات

الهام : اسالى اخوكى شوفى انا كام الف مرة اطنش وهو يغلط ويطلع أرفه عليا هو يعنى وحده أللى صايم

خالد : خلاص ياماما بعد كده سيبيه يعمل ويفتكس اللى هو عاوزه واحنا الضحايا وأمرنا لله

( أهو أحسن من النكد برضه )

ممدوح.: ياست هانم هانفطر اية النهاردة ولا حتفضلى اليوم كله فى موقعة الكنافة

الهام: اتفرجوا والله هاسبيلكم البيت واتفش علشان كده كتيرر عليا ضغطى على عليا

اية ياحبيى عايز اية بس

ممدوح : هانفطر اية يا هانم

الهام : اى حاجة موجودة وخلاص

ما أنت منزلتش تجيب لنا حاجة من الخناق طول النهار

ممدوح : مش قلتلك اتصلى بالديلفيرى يجيب لحمة وخضار

الهام :المصروف خلص من يومين اعمل اية

ممدوح : ده لسة ماعداش من الشهر الا ١٨ يوم اروح فين انا مش مديكى مصروف الشهر

الهام : انت ياروحى هاتجننى مش كل يوم تحرق لنا حاجة ونرميها فى السلة

أستنونا بكرة مع الهام وافتكاسات ممدوح ونشوف أخرة الصيام معاه