أفتكاسات زوج صايم

إيمان العادلى

إلهام وممدوح

الحلقة الثالثة

إلهام : حلو الأكل النهاردة يا ولاد

ايه رأيك يا حبيبى عملته زى ما بتحبه بالظبط علشان متقولش إن حماتى بتعمله أحلى منى

الولاد : تسلم إيديك يا ماما

الاكل يجنن فعلا

ممدوح : تسلمى يا ست الكل بس برضه أكل الحاجة أحلى هههههه

إلهام : طبعآ يا حبيبى

ممدوح : انا هاعمل لكم حاجة حلوة اوى ومفاجأة هاتكلوا صوابعكم وراها

الهام :طبعا ياحبيبى انت هتقولى مانا مجرباك بس اية هى الاول علشان قلبى الصغير لا يتحمل

خالد : ياماما اصبرى مش بابا قال مفاجاة اكيد زى كل مرة

وبصوت واطى ( سلة الزبالة موجودة)

رهف: ضحكت بصوت عالى وبسرعة غمزت لها مامتها بعنيها فى إشارة إن بابها يزعل ويخلى الليلة سودة

ممدوح : انا شايف حركات وهمسات وضحك منكم ولا بيتهيألى

الهام : ابدا ياحبيبى احنا بنقول اية هى المفأجاة ومستنين

ودخل المطبخ وزى العادة تخبيط وتكسير و مش عارفين بيعمل اية

وفجأة

ممدوح: بعد نصف ساعة طلع ومعاه طبق فيه كنافة شكلها روعة

ممدوح: حد يقدر يعمل الحلاوة دى يا رهف

أيه رايك ياخالد شايفين الحلاوة والجمال مش ماما اللى مش عارفة تعمل حاجة وعمال تجرى فى البيت شمال ويمين زى خيل الحكومة

الهام :حلو اوى ياحبيبى والله شكلها روعة تسلم ايديك ندوق بقى ونشوف الجمال وهى بتعض على شفايفها من الغيظ ودخلت اخد شاور تنزل بيهم الضغط أللى جالها وهى بتكلم نفسها كالعادة ( ربنا يستر وتطلع حلوة )

رهف: بصوت عالى ياماما اية دااا مش معقولة كل يوم افتكاسة تعبنا ياماما ياماما

الهام: خير فى اية ابوكم ولع فينا ولا فى اية

خالد :ياماما ياحبيبتى مش قولتلك الراجل داا ما يدخلش المطبخ تانى خلاص كفاية افتكاسات

رهف : ماليش دعوة مش عارف اكل حاجة حلوة فى البيت ده

الهام: طيب فى اية الكنافة حلوة وشكلها حلو اوى

رهف :طيب شوفى كده ياماما

هاتى الشوكة والسكينة كانت المفاجأة

استنوننا بكرة مع الهام وافتاكسات ممدوح ونشوف أيه المفاجأة