أفتاكسات زوج محظور
(الجزء الثانى ) أفتاكسات زوج صايم
إيمان العادلى
الحلقة التاسعة والعشرون
(الجزء الثانى ) أفتاكسات زوج صايم
إلهام وممدوح
إلهام : أيه بتزعق ليه بصوت عالى
ممدوح : أنا اللى بزعق ولا انتى وأبنك أللى صوتكم جايب أخر الدنيا ومش عارف أقعد منكم
خالد : ألحقنى يا بابا وشوف مراتك
إلهام : حعمل سبانخ جريمة دى بزود لكم الحديد وكرات الدم الحمراء علشان كورونا
ابنك بسلامته مش عاجبه السبانخ
خالد: يا بابا طول عمرى مباكلش سبانخ وماما عارفة كده
هو انا كنت مسافر يعنى ورجعت
ممدوح : حلوة السبانخ كلها حديد يا خالد دوقها أنت بس وحتعجبك ( لم اليوم النهاردة معاها شكلها ناوية علينا شايف ناكشة شعرها أزاى وبتبرق لنا )
إلهام : بتقول حاجة يا دوحة
ممدوح : لا لا ده أنا بقنعه بالسبانخ
مش كده يا خالد
مشيها سبانخ النهاردة وأنا حعوضك
خالد : مش واكل سبانخ ومتعملش مصلحة على حسابى
ها
ممدوح : مصلحة ايه يا كلب جيل منيل بستين نيلة
طيب حتاكل سبانخ غصب عنك
ها
إلهام : أيوة كده خليك حمش ووريهم العين الحمراء وأقف معايا إيد واحدة كده خلى العيال دى تتربى
خالد :هنام لغاية بكرة وصحيني على الغدا لما تغيرى السبانخ
وربنا على الظالم والمفترى
ممدوح : صلح الدعوة ياواد وخليها الظالمة والمفترية
أروح أنا فى الرجلين فى دعوة غلط ليه هو أنا ناقص مش كفاية الحظر
إلهام : بكرة عاملة بصارة
خالد : انتي بتعانديني صح
إلهام : مابتحبش بصارة أمك روح كُل برة
خالد : آه ماهي فرصتك وجاتلك عشان تنتقمي مني
خالد وإلهام مش حيخلصوا النهاردة
بكرة حنعرف عملوا ايه
أستنونى
يجب عليك تسجيل الدخول لكتابة تعليق.