أفتاكسات زوج محظور

(الجزء الثانى )أفتاكسات زوج صايم

إيمان العادلى

 

الحلقة السابعة والخمسون

 

إلهام و ممدوح

 

(الجزء الثانى )أفتاكسات زوج صايم

 

بعد حورات ومشاحنات وحبة شجارات و ٠٠٠٠٠٠

نشوف

 

إلهام : صباح الخير يا حبيبى

أنت لسه زعلان من إمبارح

خلاص أنا فكرت فى كلامك يا حبى ولاقتنى غلطانة

 

ممدوح : طيب أنا نسيت خلاص موضوع السفر ده

نفسى أتسدت خلاص

ماهو يا إلهام الإنطباع الأولانى هو اللى بيدوم

حيفيد بأيه أنك فكرتى بعد ما دبيتى الكلام زى الدبش إمبارح

 

إلهام : خلاص يا بيبيى بقى

أيه ده يا ساتر يارب مال العيال شابطين فى بعض ليه وصوتهم عالى

يا خالد يا رهف تعالوا هنا

فى ايه

 

خالد : أصل يا ماااما أنااا ٠٠٠

 

رهف : أسكت أنت خالص أنا أللى حتكلم

 

إلهام : ايه اى زفت فيكم يتكلم ويقولى فى ايه بتتخانقوا ليه

 

رهف : سى خالد يا ماما عاملى رميو وبيكلم سهى صاحبتى فى الفون وبيتسهوك لها وسهى قالتلى

 

خالد : محصلش ده أنا كنت بسألها على حاجة واحد صاحبى عاوزاها

 

إلهام : حاجة ايه يا مسهوك ( ما انت طالع لأبوك سهن ) ومتسألش أختك ليه ولا حتى تخلى أختك تسالها هى

 

رهف : قوليله يا ماما

 

خالد : أسكتى أنتى أحسنلك

 

إلهام: بتزعق فى أختك قدامى ده أنا حنادى لك ابوك بقى يشوف له حل فيك

ممدووح تعالى شوف عيالك

 

ممدوح : خير فى ايه

مالكم صوتكم جايب أخر الدنيا

يا فرحة الجيران فينا

 

إلهام : هو ده أللى هامك الجيران وست أنغام وبلاوى عيالك مش فى دماغك

متخافش يا بيبى صوت الجيران عندنا برضه ما هو الحظر مخلاش حد صوته واطى

حنطق يا خويا كلنا و ٠٠٠٠٠٠

 

ممدوح : يادى أنغام ويادى الحظر وسنينه معاكى ( توب علينا يارب وفكها من عندك )

 

إلهام : أمييين يا خويا

يفكها علينا كلنا هو الحظر ده طالك بس ما أنا كمان حطق من جنابى

 

ممدوح : أه قولى كده بقى

مش طيقانى ولا طايقة قعدتى فى وشك

أهو الحظر ده طلع اللى جواكى يا هانم وأنا اللى اهبل وبفكر أسعدك وأخليك تسافرى يومين

 

إلهام : اه منا حسافر برضه بس عند اختى امال فى الغردقة يومين كده أما يفكوا الحظر أشم نفسى و٠٠٠٠٠

 

ممدوح : سفر ايه مفيش سفر وحتشوفى كلمتى يا هانم

 

إلهام : لأ بقى حسافر يومين من حقى أغير جو وأرجع لك ريفرش كده ونعنوشة يا بيبى

 

ممدوح : دكى كسر حقك يا هانم مفيش سفر وأنا أللى حسافر ومن بكرة كمان وحسيبلك البيت تمرحى فيه براحتك

( حتبقى أنتى والحظر )

 

رهف : يا بابا يا ماما

حرام عليكم كل شوية خناق ونسيتوا موضوع خالد وسهى صاحبتى

 

خالد : ( ده أنتى نكد زى ماما )

ده أنا ما صدقت مسكوا فى بعض ونسيوا موضوعى

خلاص يا بابا يا حبيبى أنت البوس هنا والقائد لهذا المنزل ومن حقك الشرعى تسافر تغير جو يومين كده و ٠٠٠٠٠

 

إلهام : نعم يا سى خالد يا أبن ممدوح حق مين الشرعى يا أخويا سمعنى كده تانى

 

خالد : وأنتى كمان يا ماما حقك الشرعى تسافرى برضه ل خالتو وتغيرى مكان وترجعى رفريش

 

رهف:لأ بقى ده بقى جنان فى جنان

ايه ده حقك وحقى

وأنا حقى فين بقى هو أحنا فى اوربا كل حد فينا يسافر لوحده

ايه يا بابا أيه يا ماما

جرالكم ايه الحظر غيركم ليه وخلاكم مش طايقين بعض

و يا لهوووووى يا أناااا

من عيلتى ومن عمايلها

 

و أستنونى بكرة