أفتاكسات زوج صايم بواسطة bwabt1 0 شارك إيمان العادلى إلهام وممدوح الحلقة السابعة ممدوح: ألهام فين صوانى البسوسة مش لاقيها علشان نويت خلاص أدوقكم أجمل بسبوسة إلهام : عندك يا حبيبى فى الرف اللى فوق ( ربنا يستر يارب وتطلع حلوة ) ممدوح : بتقولى حاجة يا حبيبتى إلهام :لأ يا قلبى ده أنا بكلم نفسى بس خالد : ماما يا ماما إلهام : نعم ايوة طول اليوم ماما ماما فى ايه خالد : النت خلص يا ماما مش بيفتح الفيس إلهام : خلص أيه ده اللى خلص ده أبوك لسه دفعه من 15 يوم هو أنت وأختك بتشربوه خالد : بنشوف المسلسلات يا مامتى من غير أعلانات بنشوفها على النت انا ورهف ووطى صوتك ل بابا يسمعنا ويخلى يومنا مش فايت إلهام : يا لهووى يا أنا منكم ومن بابكم وأفتكاساته رهف : الله يا ماما ريحة بسبوسة تجنن فى الشقة صوتكم عالى ليه يا حبيبتى وأيه الريحة الجميلة دى إلهام : بابكى بيفتكس بسبوسة فى المطبخ أدعوا ربنا تطلع حلوة وتعالى هنا قوليلى انتى شربتى النت مع أخوكى ولا ايه مفيش مسلسلات رمضان على النت سامعة ومفيش تجديد نت فاهمة انتى وأخوكى هو انا حصرف على نت وافتكاسات وبيت وأكل ايه ده انتم كبرتوا ولازم تحسوا بالأزمة بتاعة كورونا دى مش كفاية ابوكم ممدوح : يا ولاد يا ٱلهام تعالوا لقد فعلتها وعملت البسوسة تجنن تبرد بقى وكله يدوق بالدور ههههه خالد : بجد يا بابا الريحة تجنن يارب ( تطلع حلوة) زى ريحتها رهف : واووو الريحة فظيعة أنا مش قادرة بقى عاوزة حته مش حستنى تبرد رهف دخلت المطبخ وفتحت الصينية وأخدت قطعة و ماما يا ماااااااما ألحقى بكرة بقى نعرف رهف بتزعق ليه وأيه أخبار البسوسة شارك هذا الموضوع:فيس بوكXLinkedInتويترTelegramWhatsAppمعجب بهذه:إعجاب تحميل... مرتبط 0 شارك FacebookTwitterWhatsAppالبريد الإلكترونيLinkedinTelegramطباعة
يجب عليك تسجيل الدخول لكتابة تعليق.