أفتاكسات زوج صايم 

 

 

إيمان العادلى

 

الحلقة السادسة عشر

إلهام و ممدوح

 

بعد أفتاكسة ممدوح وبسكوت الشوكلاتة أللى يجنن

 

إلهام : واووو يا ممدوح طعمه شوكلت يجنن يا حبيبى

تعيش وتفتكس لنا أفتاكسات رووعة كده مش بتخسر يا حبيبى

 

ممدوح : أحم أحم وسعوا كده شوية لأجدع شيف فى مصر

علشان تعرفوا بس قيمة دماغى لما بتفتكس هههههه

 

رهف وخالد : أيه يا عم بابا ما أحنا معاك فى الأختراع ده ولا نسيت

جبنا الكاكاو وعجناه وأنا اللى قطعته من الماكينة ولا نسيت

 

رهف : وأناااا يا بابا سويته فى الفرن وخدت بالى منه

 

إلهام : خلاص كلكم نجاح جماعى

ندخل بقى على البيتفور وننجز

أنا حعجنه لكم وأقسمه نصين أبيض وشوكلت وخالد يقطع ورهف تسوى فى الفرن و ٠٠٠٠

 

ممدوح : وأناااااا أعمل أيه يا حبيبتى

 

إلهام : هههههه تاخد بالك معاهم يا حبيبى على ما أروق الشقة بسرعة كده وأمسح وألمع

تكونوا أنتم خلصتم البيتفور

 

ممدوح : ترويق ايه بس يا حبيبتى هو فى حد حيجلنا فى الكورونا دى

ولا أحنا حنروح لحد

 

إلهام : عادة بقى يا حبيبى زى الكحك والبسكوت كده وبعدين انا حروق الشقة على الوش كده من غير هبد ولا خبط ههههههه

 

ممدوح : ماشى يا حبببتى

رهف يا رهف

 

رهف : ايوة يا بابا أنا أهو فى المطبخ

 

ممدوح : جايلك يا حبيبتى أهو

بقولك يا رهف هاتى شوية عجينة بيضاء من البيتفور

 

خالد ورهف : ليه يا بابا

حتفتكس أيه تانى

 

رهف : بقولك بقى الافتكاس ممنوع هنا ماما عجنت نوعين أبيض وشوكلت

 

ممدوح: أسكتى أنتى وهاتى ربع العجينة وشوفى أختراعات أبوكى اللى تجنن العقل دى

 

خالد ورهف : بابا أحنا حنقولك ٠٠٠٠٠

 

ممدوح :عارف لو خير انتم معايا لو باظت الدنيا أبقى لوحدى

 

ممدوح خد العجينة وأفتكس ألوان طبيعية موجودة فى المطبخ إلهام بتجيبها للدوناتس وعمل حبة عجينة أحمر وحبة أخضر

 

رهف وخالد : يا لهووووووى يا بابا

ماما حتدبحنا لما تشوف الألوان دى

 

ممدوح : أسكتوا أنتم أيش فهمكم فى المطبخ

 

إلهام : رهف أوعى تحرقى البيتفور خلينا نخلص ونشوف أللى ورانا

 

رهف : حاضر ياماما

 

الشقة أترتبت وخلصت والبيتفور استوى كله وريحته تجنن والفطار قرب خلاص

 

إلهام : ورونى كده ايه ده يا لهوووى بيتفور أحمر وأخضر

يا لهووى من جوزى وعمايله

 

ممدوح : طبعآ ما أنتى مش متابعة الجديد والموضة السنة دى فى الوان الكحك والغريبة يا هانم من المسلسلات أللى بتشوفيها

 

إلهام : مسلسلات أيه دى ده يدوب 5 مسلسلات بس شوف أختك بتشوف 7 ولا سامية أختى بتشوف 6 وبعدين متاخدنيش فى دوكة ايه الألوان دى اللى عملتها

دلوقتى أختى تضحك عليا لما تشوفه

 

ممدوح : اختك دى زيك مش متابعة الجديد ولا بتحب التغيير

التغيير يا حبيبتى سنة الحياة ههههه

 

إلهام : ماشى يا ممدوح ماشى

ممكن تنزل بقى تلحق تجيب لنا الفسيخ والرنجة قبل الأذان ما يأذن ونشوف موضوع الألوان ده بعدين

 

ممدوح : فسيخ ايه ده متفقناش عليه يا هانم أحنا أتفقنا على الكحك والبسكوت بس

 

إلهام : يعنى أيه ده عادة زى الكحك والبسكوت وكل سنة بتجيبه لنا أشمعنى السنة دى يعنى حتمكر علينا

كل الناس جابت فسيخ ألا أنا أهئ أهئ

كل حاجة بجبها بعذاب وبخناق معاك

 

ممدوح : يوووة زنى بقى وعكننى علينا علشان الفسيخ والرنجه

وأنسى كورونا وأللى أنا فيه ده

حرام عليكى ده دول وحدهم يطلعوا ب300ج كمان

 

إلهام : إهئ إهئ طول عمرك بتعكنن عليا أهئ أهئ

 

ممدوح : خلاص حنزل أجيب ولا تزعلى يا حبيبتى وجهزى الفطار

وبعد الفطار نشوف بيتفورى اللى بالألوان

 

إلهام : كل سنة وأنت طيب يا حبيبى وربنا يخليك لنا

 

بكرة العيد ونشوف ممدوح وإلهام حيعملوا أيه

أستنونى بكرة