مطلوب عروسة
إيمان العادلى
الحلقة الحادية عشر
أظن كده حمادة أستوى خلاص
من بنات حواء وأعلن أستسلامه ورفع الراية البيضاء لاجواز ولا أستسلام و ٠٠٠٠٠٠
الحاجة أميمة :اسكت يا واد يا أحمد اخيرا لقيتلك طلبك
حمادة : خير يا ماما طالما قلتى يا أحمد يبقى اكيد فى مصيبه فى العاده بتقولى يا حمادة
الحاجة أميمة : لا لا لا متقولش بقى المره دى عروسه نقاوه طول بعرض بحلاوه لا و ايه ساكنين جمبنا علطول يعنى لا هنسافر ولا نلف ولا نروح ولا نيجى.
حمادة : يا مسهل التساهيل يارب خلاص نروح الخميس ان شاء الله
ونجهز رحلة التورتة
ما تيجى يا ماما نجيب جاتوه يمكن النحس يتفك
وبعد شوية
انطلقنا للزياره انا و امى وأبويا يوم الخميس اليوم الذى اصبح فى نظرى كئيباً مرتبطاً بذكريات سيئه مختلفه ما بين بيت وبيت و ٠٠٠٠
أبو العروسة : أهلا وسهلا بجيران الهنا والحاج محمود منورنا هو والحاجة والعريس
الحاج محمود : اهلا أهلا أستاذ رفعت منور بصحابه والله
حمادة : البيت مريح أووى وناس طيبين زينا وأبوها راجل هادى وشكله صغير ميبنش عليه سن أما حماتى المستقبلية فهى ست طيبة أوى وشكلها مبتفهمش غير فى المحشى وبس واخوات العروسة يجى منهم دمهم خفيف نوعا ما وممكن نتصاحب مستقبليا و ٠٠٠٠٠
أم العروسة : تعالى يا دنيا متتكسفيش سلمى على تانت أميمة وعمو محمود وهههههه والعريس كمان
حمادة : الله دنيا وجميلة بينك يا واد يا حمادة حتدخل دنيا بصحيح
البت قمر الصراحة و ٠٠٠٠
أم العروسة : ما تيجوا يا جماعة نقعدوا فى الأنتريه
شوية برة كده
ههههه خليك أنت يا أحمد مع دنيا دردشوا شوية
حمادة: بعد الدردشة وكده دنيا شكلها جميل اوى وطيبة وغلبانة وكل حاجة تقولى حاضر أموت انا فى النوع الكيوت ده وبالشكل ده انا موافق وبالثلث وتوكلنا على الله
الحاج محمود: نتكلم بقى فى الجواز أن شاء الله والتفاصيل أ رفعت ونحدد ميعاد للخطوبة والشبكة و٠٠٠٠٠
ابو العروسة : ربنا يتمم بخير يا حاج محمود طالما العيال موافقين على بعض والشكليات دى براحتها يعنى مستعجلين ليه مش تشرفونا كمان 3 او 4 مرات تانى هى الدنيا طارت يعنى
الحاج محمود : وليه 3 مرات تانى فى الفاضى ما أحنا نتفق على كل حاجة والعيال يبقوا يشوفوا بعض رسمى بص يا أستاذ رفعت احنا علينا الشقة و٠٠٠٠٠٠٠
ابو العروسة : مستعجل ليه بس كده وداخل علطول على الشقة يا حاج محمود ما كل حاجة تاخد حقها ههههههه
حمادة : أزاى يا عمى يعنى أحنا شقتنا جاهزة وحنعمل خطوبة كمان أسبوعين ونجيب شقة ونجهز ونتجوز فى خلال 6 شهور هى كده خلصانة
ابو العروسة : خلصانة أزاى و6 شهور ايه دول اللى حيكفونا ده أحنا يدوب البوتجاز عاوزله أسبوع لف والتلاجة أسبوع وأوضة النوم أسبوع والسفرة ٠٠٠٠٠
حمادة : ليه ده كله أيه الاسابيع دى وأيه اللف ده كله كل الحاجات دى عاوزة شهر بكتيره
ابو العروسة: شهر أيه يا أحمد ده لازم كل حاجة تاخد حقها من اللف هو العفش ولا الأجهزة بتتغير دى بتاعة العمر كله يا أحمد
احنا نلف براحتنا وناخد وقتنا هههههه هو فى حد بيجرى ورانا
العروسة : صح يا بابا وكمان نسيت الفستان بتاع الخطوبة عاوز له شهر علشان ألحق افصله وفستان الفرح كمان شهر تانى واشترى حاجة المطبخ براحتنا يا حمادة دى حاجة العمر كله هو انت مالك متسربع ليه
ما كله بالراحة زى ما بابا بيقول
أم العروسة : صح يا أحمد يا ابنى براحتنا نلف ونشوف السوق كله ونتفرج وبعدها نرجع نشترى السوق بينزل جديد كل يوم يعنى بنتى تشترى الحاجة وتتنقط ان فى أحدث نزل السوق
حمادة : ميصحش يا تانت أتنقط انا أحسن ( الناس دى بطيئة أوى وسهنات فى نفسهم وأنا طبعى حامى وبحب الإنجاز ) فى فرق سرعات بينى وبينهم بصراحة كده هما جبولى الضغط وأنا مش حمل كده وهى مرارة واحدة عندى وشكلهم فقعوها خلاص
مبدهاش بقى دنيا كده بخ خلاص وربنا يرزقها عريس احسن منى ويكون على قلبه مرواح
أما أغمز ل بابا بقى علشان يفك ونهرب بجلدنا
و هوبه ٠٠٠٠٠
الحاج محمود : طيب يا أ رفعت نستأذن أحنا وبينا تليفون كده 4 او 6 ايام كده طالما أنتم مش مستعجلين ونحدد حنعمل ايه
سلامو عليكم
حمادة : وأدى حكايتى مع العروسة المنحنحة هى وعيلتها وبصراحة نفدت بصحتى منهم جابولى الضغط والسكر وانا لسه مدخلتش دنيا
هيييه أستنونى بكرة وحلقة جديدة
