بقلم سهير عسكر
رايحة فين يابت ياصفصف
انا رايحة ألعب واتمرجح
تتجوزينى يابت ياصفصف
لا ياعم أنا هذاكر وانجح
ويجوزوها للراجل الشايب
وتخلف وتعيش فى مآسي
فى مجتمع ظالم وقاسي
تندم على كل الأيام
وكتير عليها حتى الأحلام
لا اختارت حب ولا جواز
دى عيشة ياابنى تِولع بجاز
لا تعليم ولا ثقافة
لا اهتمام ولا أيافه
خلفة وبيت وعيال
مسئولية وهموم تُقال
بقيتى أم فلان وبنتك علانة
وبقيتى ياصفصف بالهم مليانه
عايشاها جد وف دوامة
بتفتكرى أيام زمان
ونفسك ترجعيلها كمان
ماكان من الأول تفكر
تقف تواجه وتقول أنا هقدر
أقولكوا لأ
وعلى نفسي أدور
******
تتجوزينى يابت ياصفصف
إبعد ياعم.. راجل ملحوس
عجوز كبير وشوال فلوس
هعيش طفولتى ألعب وأجرى
مش هشيل الهم بدرى
وصدقونى وهفكركم
هبقي حاجة تشرفكم
واختار حياتى بإرادتى
عمركوا ماهتضحكوا على صفصف
علشان انا هتعلم وأنجح
يجب عليك تسجيل الدخول لكتابة تعليق.