الشتائم المصرية و أصولها التاريخية بواسطة bwabt1 0 شارك إيمان العادلى في العامية المصرية مجموعة من الشتائم التي تستخدم كثيراً دون أن يعرف معناها أو مصدرها و منها : – (فلان دا بلط) و أصلها الكلمة القبطية (بيلتي) و تعني: مقعد، فيكون المعنى أن فلان دا قليل الحركة، و كسول، و منها: فلان دا مبلط في الخط! أي بطيء الفهم، و الحركة – (جتك شوطة تاخدك) البعض يظن أن كلمة شوطة معناها القذف بالساق، زي ما نقول بنشوط الكورة مثلاً، لكن المقصود مش كدا خالص، شوطة أصلها (شووت) القبطية، و تعني كوليرا، أو وباء، و يبقى المعنى هنا، جيتك وباء لما ياخدك! أو ربنا ياخدك بمعنى أصح – (الست دي شلق) و شلق أصلها الكلمة القبطية (شلاك) أي المط، و الامتداد، و أيضاً التوتر و الانفعال، و الست الشلق هي إلي بتستخدم ألفاظ نابية، و تمط في صوتها زي مثلاً: أحمااد يا عوووومر …مثلاً يعني – أوباش دي برضو كلمة قبطية معناها عرايا، أو صعاليك، و متحاولش تجيبلها مفرد لأن ملهاش أصلاً، هي بتتقال كدا: شوية أوباش!! كدا – غراب البين طب الغراب و معروف، البين دا إيه بقى؟! اقولكم…البين دي كلمة مصرية قديمة معناها الشر، أو السوء، و غراب البين معناها (غراب الشر) – مدهول أصلها القبطي (متاهوول) و معناها، غير المرتب، أو المهمل، و يا واد يا مدهول على عينك، يعني يا مهمل يا مبهدل – جاك خيبة بالويبة الويبة كلمة قبطية معناها وعاء للكيل، و هو يسوي كيلتان، فيكون المعنى: جاتك خيبة كبيرة! وصاية يعني – لو معملتش كذا هسويك أنا كنت فاكر ان معناها (هطبخك) يعني، لأن نسوي في مصر معناها نطبخ، لكن المعنى مش كدا خالص، أسويك جاية من الكلمة القبطية (سوى) و معناها (تقطيع الأوصال)! هسويك يعني هاقطعك!! أظن مرحناش بعيد برضو – يا ابن الإيه آخر جملة كنت أتخيل انها ممكن تكون شتيمة! و بنستخدمها كتير جداً، على سبيل المزح، و أحيانا المدح، أصل كلمة (إيه) إيه بقااا؟ الإيه دي هي (البقرة) باللغة القبطية!! تخيلو! و بكدا تكون ابن الإيه، معناها ابن البقرة! ههههه ماتقولهاش تاني بقى… بالمناسبة جدودنا المصريون القدماء لم يشتموا ابدا بالأم او بالمرأة عمومآ .. ف المرأة عندهم كانت في غاية الإحترام و المكانة و كانت مساوية للرجل تماما في الحقوق و الواجبات و من حقها تعمل في كل الوظائف .. حتي كانت تقود الصلوات و تقيم الشعائر في عقيدتهم و في معابدهم يا خراشي هى نسبة إلى الشيخ الخراشى و كان قاضى عادل يلجأ إليه المصريون للتقاضى و كان كل من يشعر بالظلم ينادى على الشيخ الخراشى ليحصل على حقه فى مظلمته. شارك هذا الموضوع:فيس بوكXLinkedInتويترTelegramWhatsAppمعجب بهذه:إعجاب تحميل... مرتبط التاريخيةالشتائمء المصريةو أصولها 0 شارك FacebookTwitterWhatsAppالبريد الإلكترونيLinkedinTelegramطباعة
يجب عليك تسجيل الدخول لكتابة تعليق.