أفتاكسات زوج محظور
(الجزء الثانى ) أفتاكسات زوج صايم
إيمان العادلى
الحلقة الخامسة و الثلاثون
(الجزء الثانى ) أفتاكسات زوج صايم
إلهام وممدوح
بعد خناقات ممدوح مع إلهام والولاد بسبب التكييف والفون اللى باظوا و ٠٠٠٠ نشوف بقى
ممدوح : يووووة هو أنتى كل حاجة متعجبكيش تقولى طلقنى
طيب أيه رأيك يا إلهام حتهف فى نفوخى مرة وأطلقك وأشوف حتعملى ايه
إلهام : أهئ إهئ وأهون عليك يا دوحة تطلقنى وتشمت الجيران فيا
ممدوح : اه يهون عليا علشان تحرمى تقوليها تانى
وبعدين مالهم الجيران ما ناس زى الفل ومبسمعش صوت لجارتنا أنغام ولا عمرها صوتها على
إلهام : اه قول بقى أنغام هانم جارتنا بتاعة الجروب إياه مش كده
اللى حضرتك منور فيه ومانعنى حتى أعمل هاهاها
ممدوح : يا نهار ملوش شمس مفيش فايدة فيك ولا فى دماغك
أنغام مين يا مجنونة دى
إلهام : بتاعة الركن البعيد الهادى
اللى يتقارنى بيها على علطول
ممدوح : أنا يا مجنونة بقارنك بيها ولا بقولك ملهاش صوت ولا بتتخانق زيك ليل نهار
ست هادية كده فى نفسها
إلهام : ايه بتقول ايه يا ٠٠٠٠
رهف : يووووة على خناقتكم يا ماما ليل نهار
تعالى كلمى ناناه توحة على الفون الأرضى
فضحوتنا والله مع الننات والجيران
ياررب توب علينا بقى وفك الحظر
ممدوح : يارب يا أختى هو أنا أللى حابب الحظر ده
فين أيام الكافيه مع أصحابى ولا الواحد وهو بيلعب له ماتشين بلاى ستشن ويغلب صحابه ولا أنزلى غطسين فى البسين
هييييه كانت أيام
إلهام : حكلم ماما وارجعلك نشوف أخرة أنغام معاك والأيام
ألو أزيك يا ماما عاملة ايه يا حبيبتى
توحه : ( ماما إلهام) عاملة ايه يا حبيبتى وعيالك وممدوح وكلكم
إلهام: الحمد لله يا ماما حعمل ايه يعنى أدينى عايشة أهو
توحة : مالك يا إلهام أنا لما أتصلت كنت سامعة صوتكم أنتى وممدوح
إلهام : إهئ إهئ يا ماما بقى عصبى خالص من ساعة الحظر وكل ما نطلب منه حاجة يزعق ويصرخ وأجبلكم منين وأرحمونى
توحة : معهلش يا بنتى كل الرجالة كده زهقانين من الحظر والحبسة
ووقف حالهم
خديه بالراحة يا حبيبتى
إلهام : منا أهو يا ماما متحملة وبدلع فيه ومش عاجبه برضه
علطول يزعق فينا زى ما أكون انا اللى حظرته
توحة : معهلش يا حبيبتى كله بثوابه المهم عملتى ايه فى مشروعك مع سامية أختك جهزتى نفسك والفلوس
إلهام : إهئ إهئ مرضيش يا ماما وكان حيخنقنى وفضل يزعق يوم
مش عارفة أقنعه خالص
توحة : طيب ( أنا قلت كده برضه عارفاه متبت على القرش)
عموما يا حبيبتى مرات أخوكى أمل حتشارك أختك فى مشروعها
عماد أخوكى أداها الفلوس وقالى أشوفك الاول ناوية ولا لأ
ألهام : بتقولى مين مرات أخويا إهئ إهئ ده مشروعى يا ماما وفكرتى أنا أللى قلت ل سامية عليها تاخدها منى على الجاهز
توحة : عماد أخوكى قرشه حاضر مش زى جوزك ( ماسك فى الفلوس) ووافق علشان يقف جنب أختك هى دى الرجالة
يلا يا حبيبتى مع السلامة وخدى بالك من نفسك وبيتك
إلهام : مع السلامة يا ماما
ممددددح يا ممددددوح
ممدوح : ايه فى ايه علطول بتزعقى كده
إلهام : طلقنى طلقنننننننننى
أستنونى بكرة ونشوف ممدوح حيعمل أيه
حيطلقها ولا ٠٠٠
يجب عليك تسجيل الدخول لكتابة تعليق.