وصفات العاصمة

 

هنحتاج ٥٠ جرام قهوة سريعة الذوبان أى نوع (بلاك)

وهنجيب لون ابيض بودرة “مبيض القهوة” مقدار

(١ معلقة ك) دول من هنجيبهم من عند اى محمصة بن أو عطار كويس

١٥٠ جم لبن بودرة

ربع كيلو سكر

رشة ڤانيليا على طرف المعلقة

 

ملحوظة : المبيض إختيارى هو فقط عشان يطلع بنفس اللون .

كمية السكر حسب الرغبة معاكم من ١٠٠ جرام إلى ٢٥٠ جرام .

 

هنخلط كل المكونات دى على بعض فى شفشق الخلاط أو المطحنة ((ونتأكد إنه جاف تماماً مافيهوش ولا نقطة ميه)) ونضربهم لغاية ما ينعموا ويبقوا بنفس ملمس الجاهز

 

وبس كده نحفظهم فى برطمان زجاج أو بلاستيك نظيف وجاف وعند الاستخدام هى معلقة واحدة كبيرة ممسوحة ونضيف عليها الماء المغلي وجرب بنفسك تركيز الطعم والريحة وبألف هنا وشفا  وماتنساش تدعيلى دعوة حلوة