وصفات العاصمة
حواوشى بالفراخ
إيمان العادلى
جربو الحواوشى بالعيش الشامى طعمه وهم
المكونات :
نص كيلو صدور فراخ مغسوله كويس و مقطعه مكعب او شرايح
بصله متوسطة مفرومة
معلقه من (بصل باودر ،توم باودر ،فلفل اسود)
معلقتين ملح
كيس توابل الحواوشى
طبق فيه ربع كوب زيت و عليهم معلقتين ميه
٤ رغيف عيش شامى
الطريقه:
فطبق هنحط الفراخ مع كل التوابل و البصله و نقلبهم كويس و بعدين عالكبه نحط حبه و نفرم و نشيل و نحط حبه تانى و لحد ما نخلص الكميه و تتفرم كويس و بعدين نفتح العيش و ندهنه من جوه بالزيت الل. بالميه و نحط مقدار فراخ و نوزعها كويس جوا الرغيف و نقفل و ندهنه من بره بردو بنفس الزيت بالميه و بعدين نرصهم فصنيه مدهونه زيت و نغطي الصنيه بفويل و عالفرن المتسخن على درجة حرارة ١٨٠ لمدة ٣٠ دقيقه و نشيل الفويل و نقلبهم و نغطى تانى و عالفرن ١٥ دقيقه كمان و نطلعهم و نحط فحمه مولعه و عليها نقطتين زيت و نغطى الصنيه عشان الحواوشى ياخد ريحة الفحم و بس يتقدم مع بطاطس و كاتشب و بالهنا
يجب عليك تسجيل الدخول لكتابة تعليق.