نائب سابق يرد على النائب ممدوح مقلد فين نصيب سوهاج من 100 مليار جنيه خصصت لمحاربه كورونا

سوهاج : حمدي صابر أحمد

رد النائب السابق أحمد أبو حجى على النائب ممدوح مقلد أنت بتقول كلام خطير بتقول أنه بيتم التشخيص لثلاث حالات الحاله الاولى ايجابيه لكن بسيطه بيتم عزلها فى البيت الحاله الثانيه متوسطة بيتم حجزها فى إحدى المستشفيات بسوهاج الاطباء بيصرخوا في سوهاج علي مواقع التواصل الاجتماعي مفيش امكانيات الحالة الثالثه الخطيره بيتم إرسالها لإحدى مستشفيات العزل باسيوط أو إسنا بالاقصر واوضح لك يا سياده النائب اولا الحاله البسيطةالايجابيه تعزل فى البيت فعلا ولكن طبقا لمعايير خاصة وضعتها منظمة الصحة العالمية ابسطها وجود غرفة مستقلة وحمام مستقل وهو ما لا يتوافر الغلابة اللي عايشين في اوضة وبالتالي هتضرب البيت كله والجيران والشارع والحي كله ثانيا الحاله الخطيره اللى بتبعتوها خارج سوهاج إلي اسيوط أو إسنا

وأضاف سوهاج مش أقل من المحافظات اللى فيها مستشفيات عزل ليه ميكونش فيه مستشفيات عزل مجهزه بأحدث الاجهزه وخاصه اجهزه التنفس الصناعى فين نصيب سوهاج من الأجهزة اللى وصلت من الصين فين نصيب سوهاج من اجهزه وزاره الصحه فين نصيب سوهاج من مائه مليار جنيه خصصت لمحاربه كورونا فين فلوس تبرعات رجال الأعمال والغرفة التجارية ارجوك.يا سياده النائب كشرو عن انيابكم مع الحكومه بلاش طبطبه وحنيه يجب علي نواب محافظه سوهاج التكتل فى الجلسات القادمه في البرلمان والقاء بيانات عاجله وطلبات احاطه موجهه للحكومه لاتخاذ التدابير اللازمة خاصة أن ربع حالات الوفاه على مستوى الجمهورية من مرضي سوهاج طالبو بالدعم الفورى لتطوير مستشفيات سوهاج. وخاصه بأجهزة التنفس الصناعى مره تانيه كفايه طبطبه وحنيه على الحكومه سوهاج تستحق منكم. الكثير. والكثير.