معا نستطيع للارتقاء بجودة الحياة وإعادة تأصيل الهوية المصرية حرب التجريف والتخويف:

كتب : رضا بدير
احمد خطاب خبير التنمية البشرية يوضح في سطور اهم أهداف مبادرة نعم نستطيع
سر من أسرار حروب الجيل الرابع … يعني ايه الكلام ده ؟
انا هقولك بس عايزك تركز معايا حبتين
بص يا سيدي هتلاقي شخص بيحاول يبيع لك فكره وعلشان يسوق الفكرة دي بيعمل عملية تجريف لقيمك ومبادئك وعاداتك وتقاليدك ودينك وهويتك ومعتقداتك
يعني بالبلدي كده بيمسحها بأسكتية و يحاول إقناعك أن الكل على باطل وأنه مفيش فايدة في الناس ولا في المجتمع ولا في الإدارة السياسة للبلد وبقي طولها زي عرضها و يسحب منك أي بوصلة تعتمد عليها في رحلة حياتك
طيب المقصود من الكلام ده ايه؟
المقصود من الكلام ده أنه يخوفك ويخليك تفقد الثقة في نفسك وفي كل اللي حواليك .
وهنا يبتدي يدخل ويزرع افكار جديدة جواك انت متربتش عليها ولاهي من دينك ولا من عاداتك وزلا تقاليدك . فإذا نجح في ذلك، أصبحت خائفاً ومفيش أسهل من زرع اي فكرة في عقل وقلب إنسان بعد تجريفه وتخويفه..
وبعدها تقع فريسة لنوع جديد من أنواع. الحروب اسمها حروب الجيل الرابع
ودي حرب يتم فيها احتلال عقلك لا احتلال ارضك وبعدها ستتكفل أنت بالباقى هتلاقي نفسك فى ميدان معركة متعرفش فيها مين عدوك الحقيقى وؤستطلق فيها النار فى كل اتجاه بس مش هتصيب عدوك الحقيقى … هتكون اتخذت قرار بقتل كل شيئ انت بتحبه الحرب دى بتستخدمك انت فى قتل ذاتك وعاداتك وتقاليدك ومبادئك وروحك واهلك وناسك وشعبك
وفى الاخر هتلاقي نفسك كنت تحارب بالوكالة لصالح رجل أو جماعة ارهابية بتحركك زي الريبوت الحرب دي المنتصر فيها لم يدخلها والمهزوم فيها انت وشعبك

فبالله عليك فكر فكر فكر بهدوء قبل ما تقبل أي كلام يهدم معتقداتك وهويتك مش بس كدة هتهدم كيانك ودولتك .