مشروب السوبيا

 

 

⬛المقادير …

 

🔸٤ معالق كبيرة دقيق أرز (لو مش متوفر بنطحن أرز أبيض مصرى فى المطحنة طحن ناعم)

🔸٤معالق كبيرة كريم شانتيه

🔸٤ معالق كبيرة جوز هند ناعم

أو ممكن نستبدله (بروح جوز الهند من عند العطار) عشان الناس اللى مابتحبش ملمس جوز الهند فى الطعم ،

🔸كوب سكر بودره

🔸كوب حليب بودره

🔸كوب بودرة ايس كريم الفانيليا

🔸معلقة صغيرة مليانة ڤانيليا

 

الطريقة ..

 

هنخلط كل المكونات دى مع بعض كويس جدا ونحفظهم فى برطمان زجاجي جاف ونظيف ومحكم الغلق ونأخذ منه الكمية المطلوبة للاستخدام معلقة نظيفه وجافة.

 

طريقة التحضير ..

 

كل معلقة كبيرة بتاخود كوب حليب وفى حالة استخدام روح جوز الهند تضاف نقطة مع كل كوب حليب .

بنخلطهم سوى فى الخلاط وممكن نضيف معاهم مكعبين ثلج لو الخلاط بتاعك يستحمل تكسير الثلج

نحطها فى الثلاجة وتقدم باردة مع مكعبات الثلج

وبألف صحة وهنا