ما لاتعرفه عن مشروع تطوير هيئة السكه الحديد بمصر

كتب / نبيل البخشوان
مشروع تطوير هيئه السكه الحديد بدء تشغيلة من

2014 ومتقسم عده أفرع أبرزهم :
كهربه الإشارات .. تطوير المحطات .. تطوير

المزلقنات .. تطوير اسطول القطارات الموجود مع مصنع سيماف المصرى .. شراء 1300 عربية قطار

من روسيا .. شراء 100 جرار قطار من امريكا
1- كهربه الإشارات

مشروع طموح وضخم وبتكلفه مليار دولار يهدف لتحويل الإشارات الى النظام الإلكترونى EIS اللى

بيحقق أعلى معدلات الأمان وحاصل ع شهادة SIL4

لتقليل تدخل العامل البشرى وان قطارات السكه الحديد تتحول الى نظام شبيه بنظام مترو القاهرة

بيهدف تقليل زمن التقاطر
أنشاء أبراج مركزيه تتواصل مع قائدى القطارات

ف حاله حدوث عطل أو مشكله بجانب إن الإشارات نفسها هتقفل أمام القطارات

المشروع مقسم على عده شركات
شركة تاليس الاسبانيه مسئوله عن خط القاهرة

الاسكندريه وخط اسيوط نجع حمادى بطول 180 كم وتنتهى منه 2020

شركة سيمنس الالمانية مسئولة عن خط بنها بورسعيد و من الزقازيق لأبو كبير بطول 214 كم

وهتسلمه مارس 2020
شوكة ألستون الأيطالية مسئوله عن خط قبلى من

بنى سويف لأسيوط بطول 250 كم والمفروض تسلمه يونيو 2019

شركة كوريه مسئوله عن باقى الخط من نجع حمادى الى الاقصر

2- تطوير المحطات
السكه الحديد بتضم 705 محطه

كمرحله اولى بدأت السكة صيانه 133 محطه بتكلفة مليار جنيه تم الانتهاء فعلياً من 86 محطه

ابرزهم محطه بنها ومحطه سنهور ومحطه السباعيه وغيرهم

هدم واعاده انشاء 47 محطه متهالكة تم الانتهاء من 41 محطه زى محطات سبك الضحاك

والرجدية ومحلة موسى وسجين الكوك) وجارى العمل على ال6 محطات المتبقيه

3- تطوير المزلقانات : جارى العمل فى تطوير 1100 مزلقان تم الانتهاء من 595 مزلقان تطوير

مدنى و 355 نظم تحكم
4- القطارات الروسى : صفقه ضخمه جداً بتتضمن

شراء اسطول جديد بالكامل من روسيا مسئوله عنهم شركة “ترانس ماتش هولدنج” .. الاسطول

قوامه من 1300 عربه قطار بتكلفه مليار يورو + 6 قطارات كاملة بجراراتها بتكلفة 126 مليون يورو

5- شراء جرارات امريكية : صفقة بتكلفة 290

مليون يورو تمت مع شركة جنرال الكتريك الامريكية وتم سداد مبلغ 57 مليون دولار كدفعه

مقدمه ، الصفقه هتساهم فى زيادة قوة الجر بالهيئة وبدوره هيؤدى إلى زيادة انتظام مواعيد

وصول القطارات والقضاء نهائياً على مشكلة أعطال الجرارات

الصفقه بتتضمن تصنيع 30 جرار فى مصنع الشركة بامريكا و 70جرار فى مصنع الدوله

سيماف بمصر بجانب تأهيل 81جرار يحتاج الى صيانه

الصفقه مش بس مجرد ان الشركة هتورد الجرارات وينتهى دورها ولكن مسئوله عن صيانه

الجرارات لمده 15 سنه ودا طبعاً لتفادى الخطأ الجسيم اللى حصل 2009

صفقه الجرارات اللى اشترتها الدوله بدون عقود صيانه وكانت سبب فى اقاله وزير النقل وقتها

وبالمناسبه الجرارات القديمه تم اعتماد مبلغ حوالى 200 مليون جنيه لتطويرها وصيانتها ورفع

كفاءتها عشان تقدر تواكب العمل مع الحرارات الامريكى الجديدة

6- تطويرأسطول القطارات الموجود صفقه بتتضمن تطوير 290 عربه قطار 200 عربه من

الدرجه الثالثه لخدمه خطوط الضواحى بتكلفه نص مليار جنيه و 90عربه مكيفة اسبانى بتكلفة

150 مليون جنيه
تصنيع وتوريد 40 عربة توليد قوى جديدة،

بإجمالي مبلغ 800 مليون جنيه
تصنيع وتوريد 140 عربة سكة حديد لنقل

البضائع، بإجمالي تكلفة 544 مليون جنيه
دى عمليه تطوير السكه الحديد اللى بيتقال انها

مبتطورش واتقطع فيديوهات و الريس بيقول احط الفلوس فالبنك عشان تجيبلى فوائد وهو كان

بيعرض الخيارات المتاحه
الفيديو المنتشر كالنار فى الهشيم من حديث

السيسى
أمس كان التشغيل التجريبى لانظمه كهربه اشارات

برج كفر الزيات ضمن مشروع تحديث انظمه الاشارات بالسكه الحديد تحديداً مشروع شركة

تاليس الاسبانيه واللى مسئوله عن كهربه خط القاهرة الاسكندرية

التطوير ده شغل من نار كان عامله الوزير السابق ضحيه الاهمال الدكتور هشام عرفات الراجل اللى

ملحقش يجنى ثمار الصفقات والمشروعات دى كلها فالسكة الحديد واللى كان كل لقاء يطلع مبسوط

ويقول انتظرو سكه حديد جديده تماماً 2020
بنشكر الدكتور هشام

ع فكرة عمليه تطوير السكه الحديد تختلف تماماً عن مشروع انشاء السكه الحديد السريعه الجديده

بطول2000 كم ع3 مراحل العلمين للسخنه القاهرة لاسوان ومن الغردقه للاقصر

ودا مشروع قومى هيتعمل سكه حديد جديده بالكامل

اول مرحله منه العلمين السخنه بطول 500كم وبتكلفه 70مليار ج