كبرياء قلبي

بقلم / نسرين نبيل

تعبت كتير من كبرياء قلبي
تعبت أداري وأخبي
بحبك حب قد الكون
ولو تبعد بعيد وأهون
أحس العمر صدقني كأنه سراب
ومابشوفش غيرك حبيبي في دنيتي أحباب
تغيب عني يغيب العمر
والدنيا تبقي ظلام القبر
ولما نتكلم وتقولي وحشتيني
ألاقي قلبي يتكلم معاك بكل برود
ولا كأنك علي بالي
وشاغل كل أفكاري
ولا كأني في بعدك بجد بموت
وتزعل مني وتغيب عني من تاني
وأرجع ويا وحدتي وأحزاني
وألوم قلبي علي كبره وعلي عناده
وأقوله ليه ؟ ما تتكلم
ما تقوله غيابك عني بيعلم
ماتحكيله وما تقوله
بإن صوته هو دنيا تانيه للحياة عالأرض
ومن غيره بجد حقيقي بنتألم
بتسكت ليه يا قلبي ؟ ما تتكلم
وليه الكبر ويا العند فيك ده معلم
يرد القلب تاني يقول مانيش مسؤول
ده من صغرك وعودتيني أكون كده عالطول
دي عزة نفسي في حياتي أهم حاجه ديه لذاتي
طب أعمل إيه ؟
حقيقي نفسي أحكيلك وأشكيلك
إيه اللي أنا فيه
ونفسي قلبي يسيب الكبر ويحكي بإنه بيتألم
وبإن حبك وهواك في قلبي ده محفور ومعلم.