شويه نصائح مفيدة لبيتك و لمطبخك

 

 

🔶لما تعملى أكله فيها تحمير بصل وثوم نزلي البصل الاول وتقلببه لغايه لما يصفر ثم انزلى بالتوم علشان التوم سهل يتحرق

 

🔶لو عايزه تبشري اي نوع جبنه إدهني المبشره زيت هيسهل البشر

 

🔶قبل ما تطبخي الخضار شوحيه مع البصله بملح وفلفل وبعدين نزلي الطماطم و كوباية شوربة وهتدوقي احلي طبيخ

 

🔶متحمريش التوم أوي وانتي بتطبخي خليه أبيض شويه وريحته تطلع بيبقي طعمه وريحته احلي

 

🔶لما تيجي تعملى الحواشي ضيفي معلقه طحينه او معلقه دقيق هتخلي اللحمه متنزلش سوايل علي العيش ومتماسكة

 

🔶لما تيجى تعملى سمك لو حجمه كبير افتحيه بالسكينه فتحتين علشان يتبل كويس ويستوي من جوه

 

🔶اغسلي الخضره قبل ما تقطعيها عشان متفقدش فايدتها

 

🔸 و انتي بتدمسي الفول حطي معلقة صغيرة بيكينج بودر ومعلقه سكر بتسرع عملية التسوية و كمان بتخلي قشرة الفول دايبة بعد التسوية .

 

🔸 و انتي بتحمري الشعرية بتاعت الرز ضيفي نص معلقة صغيرة ملح عشان متتحرقش منك .

 

🔸 اي روائح كريهة في التلاجة حطي نص بطاطساية او قطعم فحم او كيس فانيليا مفتوح بيشد الروائح .

 

🔸 لو فيه اي روايح في المطبخ هاتي حلة صغيرة و حطي فيها كوب ماء يغلي و عليه كيس ڤانيليا هتلاقي ريحة الشقة كلها جميلة .

 

🔸 بعد ما تخرطي الملوخية لو مش هتفوريها علي طول حطيها في طبق و غطيها بكيس تلاجة عشان متسودش .

 

🔸و انتي بتسلقي الكرنب ضيفي معلقة كبيرة سكر لماء السلق ونص معلقة صغيرة كمون هتمنع اي انتفاخات للبطن بعد الاكل .

 

🔸 و انتي بتقلي السمك حطي قشر الليمون في زيت القلي بيضيع ريحة الزفارة .

 

🔸لو الاكل زاد ملحه منك غصب عنك قطعي بطاطساية و حطيها نية في الاكل هتشد كل الملح الزايد.

مع تحياتي نصائح مفيدة

🔸 عشان اللحمة تتقطع معاكي بسهولة عطيها في التلاجة عشر دقايق الاول.

 

🔸لحفظ الموز لوقت اطول قومي بتغليف رأسه بغلاف بلاستيكي ( استرتش ).