انا هبعد 

بقلم.. رانيا اسامة

ولما يكون مافيش مخرج.. لأي صراع انا عيشاه

غير واحد وكله جراح

انا هبعد ….

وحتى لو هكون وحدي… والم الروح واوجاعها …لازم ارتاح

 واكسب نفسي وراحتها منيش خسرانه بالمرة

انا خربانه من جوه… لازمني براح

وهخسر ايه ده انا مجروح ؟

يمكن بس اسمع لي شويه لوم من الجارح

ومن كل اللي مش حاسس

ومن كل اللي مش عايش…

ومن كل اللي مش عارف … يكون مرتاح

ويقولوا ويشبعوا قواله

وان قصدوا يلوموني وان قصدوا يكون انصاح

انا هدفي قصاد عيني

انا بأيدي… هروح للنور… انا هصنع لنفسي نجاح

وان جرحنتي من بره ماهيش فرقالي بالمره… انا عوزة عمار جوه

يخلي البسمة على وشي فكل صباح

يخلي كل خطوه امشيها وانا واثقه باني ماشيه فطريقي.. الي الإصلاح…