المسألة: قريباً علی الفضائيات قصيدة طلعت عبد الرحمان شاعر ماسبيرو
كتب لزهردخان
ستبث قريباً على شاشات الفضائيات الكبرى قصيدة غنائية عربية مصرية ممزوجة بلكنة الصعيد .
الأغنية من أداء النجم السعودي رياض محمد و النجم الصاعد فارس مصطفى الميسترو .
عنوان الأغنية (المسألة) وهي رائعة من روائع شاعر ماسبيرو الفنان الشاعر طلعت عبد الرحمان ..
حول كلمات الأغنية يقول الشاعر طلعت (بالنسبة لي مش مجرد أغنية،
في الحقيقة هي أسلوب حياة
من كلماتي إللي خرجت من القلب )
كما أكد طلعت عبد الرحمان في منشور علی صفحته في فايسبوك :الأغنية ستكون من محتوی كبريات الفضائيات قريباً .
وأضاف هي من :(ألحان الموسيقار / أحمد فوزي وتوزيع المايسترو الكبير/علاء غنيم وإخراج مخرج العمالقة/ميدو بارون
يارب تعجبكم)
وفيما يلي النص الكامل للقصيدة التي لن تصلك بكامل جمالها إلا إذا قرأتها بلكنتها الأصلية وبما بطن بين سطورها من لحن أصيل عرف الشاعر طلعت به وتميز بعزفه علی أكثر من ركح في فضاء ماسبيرو .
المسألة
جوابها م و أ و ل
٣ حروف
بيخلصوا كل الكلام
……
الكل حابك
الكل صاحبك
الكل يديك التمام
…..
وانا هشتري
لكني عمري م هفتري
ديه الحكاية
وكل واحد له تمام
….
وانا هشتري
مهما التمن عدا وعلي
ومادام معايا
مش فارقة عندي تمنها كام
المسألة
_______
افتح مزاد الدنيا وابدأ ب الحبايب
زمن الفلوس مولد يا دنيا وصاحبه غايب
وكل شيخ وله طريقة فى دنيته
الأهل فين ؟
والعزوة فين ؟
فين الحبايب ؟
أنا راضي اخدع نفسي في كل الوشوش
اللي بتضحكلي وعينها على الفلوس
منين هجيب غيرهم م كله بتاع مصالح
واهي دنيا فانيه وربنا يهدي النفوس
…..
وانا هشتري
لكني عمري م هفتري
ديه الحكاية
وكل واحد له تمام
….
وانا هشتري
مهما التمن عدا وعلي
ومادام معايا
مش فارقة عندي تمنها كام
المسألة
_____
سيب المزاد مفتوح وخش على الصحاب
الصحبة فيزا وصورة من كشف الحساب
وكل صاحب يبقى صاحب مصلحة
مافيش بلاش ..
الكل كاش……
حتى القرايب. ..
وانا عادي…. قابل أشتري وادفع مدام
عارف تمام كل البشر ليهم تمام
واهي دنيا فانيه اللي حاكمها المصلحة
واللي انت عارف ديته خلص قوام
…..
وانا هشتري
لكني عمري م هفتري
ديه الحكاية
وكل واحد له تمام
….
وانا هشتري
مهما التمن عدا وعلي
ومادام معايا
مش فارقة عندي تمنها كام
المسألة
_______
