السلام عليكم ورحمة الله وبركاته بعت لحضرتك من قبل على مشكلتي اني متزوجه رجل خريج كليه قمه بس للاسف ما لها أي صله بأخلاقه

المهم عندي منه ٣ أبناء المهم صبرت على ذل واهانه وطرد من الشقه في منتصف الليل وابوه كان بيساعده ويأيده وأخواته ما في حد نصفني هو كل طلباته تتخلص في فلوسي والجنس بحس انه يمارس العلاقه اذلال مش اكتر ربنا قدرني وعرفت اخد شقه تمليك وشطبتها والحمد لله سكنت فيها حاليا هيتجنن كل ما بيجي يقول لي بيعي الشقه وارجعي لبيت العيله وانا برفض حتى ان اي حد منهم يجي عندي حاليا عاوز يتجوز بيقول واحده جاهله وفقيره علشان تخدم ابوه وتخدمه في بيت العيله قلت تمام بس طلقني وهو رافض الطلاق عايز الوضع يكون في وجود الزوجان علما بأنه ضعيف جنسيا وبخيل جدا ماديا بيسيب ٥٠٠ في الأسبوع ل٤ أفراد الي هيجنني ولاده شافوه وهو بيذل في وهو يطردني بس مغلطيني وزعلانين على ابوهم انه مشتت ما بين بيت العيله وشقتي بس انا كل ما افتكر انه كان بيطردني اكتر من مره ابقي نفسي اولع فيه ازاي اطلق بهدوء من الشخصيه دي

رد بريد قراء بوابة العاصمة

خليكى فى شقتك واخلعيه وولاده لو عايزينه يروحوا يعيشوا معاه .اوعي ترجعي بيت العيله واوعي تبيعي الشقه ولادك مسيرهم هيعرفو الحقيقه حاليا هما صغيرين مش مستوعبين