تاريخ الالتحاق للقوات المسلحه 1969تاريخ انتهاء الخدمه 1975
السلاح قوات الدفاع الجوي مدفعيه في بلبيس وحمايه الكليه الجويه هناك
ممكن نرجع مع بعض بالذاكره وتسمحلي ببعض الاسئله اتفضل
هل يوم 5اكتوبر في سنه 1973كان عندكم شعور ان مصر هتحارب
ولا حتي يوم 6اكتوبر لحد الساعه 2كنا عارفين اننا ممكن نحارب لكن كان عندنا روح معنويه عاليه ومستعدين لاي وقت للحرب علشان كده انتصرنا وعبرنا الحدود
كنتو بتستعدو للحرب ازاي وازاي روحكم المعنويه كانت في السما
كنا بنستعد بالتدريبات الشاقه وكمان باخبار زميلنا علي الضفه اللي كانت بتاسر وتقتل جنود الصهاينه
احكي ذكرياتك عن الحرب
اليوم اللي استحاله انساه هو يوم 14اكتوبر معركه الطيران اللي كانت في المنصوره واللي قمت فيها بفتح المدفعيه بدون اذن علي اليهود الصهاينه وبعدها بدقيقه قام زملائي دون انتظار الاوامر باطلاق الصواريخ عبرطيران اليهود واسقطنا طائرتين منهم وكانت سعدتنا بالغه وكنا في حاله رعب ان ناخذ جزا اننا اشتباكنا بدون اذن لكن وزير الدفاع بعت لينا شكر علي حسن تصرفنا
عم الحاج احمد ايه رئيك فيما يحدث الان في سيناء
شوف في سني ده ونفسي ارجع تاني للجيش واروح احارب ولاد اليهود دول اللي بيدعو الدين من غير ما يعرفوه احنا حاربنا اليهود وكانو معروفين لينا اما هؤلاء الخونه بيضربو من الظهر والحمد الله الجيش المصري كفيل بجعل جثثهم طعام للكلاب لانهم من نفس الفصيله وبقول لشعب مصر ساندو جيشكم ووعو تخافو علي مصر لان فيها ابطال بجد وبقول لكل ام شهيد ابنك في الفردوس الاعلي كما وعده الله ووعد الله حق
واقول كمان لشعب مصر اوعو تخافو علي مصر لان اللي يحط رقبته علي كف ايده علشان يخلصنا من تجار دين قادر يخلص مصر من كل الخونه
ممكن اعرف ايه امنيتك
امنيتي انت جيت اهو وانا في المسجد جالس بدعي لمصر ربنا يحميها ويعطي لكل محب وعاشق لتراب مصر ما يتمناه واقول لشعب مصر محمد جنب مينا واحمد جنب اسحاق مكناش بنعرف مين هيدفن مين لاننا كنا بندافع عن اسم غالي جمعنا تحت سماه وكنا مش بندور علي ديانه ده ايه وده ايه لان دينا مع الله ام مع بعض معاملتنا ايه واخلاقنا مع بعض ايه ده كان الاهم ووعو تفكرو ان حد ممكن يعمل فتنه بينا لان كل شبر مروي بدمنا مع بعض
